ഇടുക്കി: സംയുക്ത കർഷകസമിതി ജില്ലയിലെ പ്രധാന റബ്ബർ മേഖലകളിൽ 26, 27 തീയതികളിൽ പ്രചരണജാഥ നടത്തും. പെരുവന്താനം പഞ്ചായത്തിലെ 35-ാം മൈലിൽ 26ന് വൈകിട്ട് അഞ്ചിന് ജാഥ കിസാൻ സഭ സംസ്ഥാന വൈസ് പ്രസിഡന്റ് മാത്യു വർഗീസ് ഉദ്ഘാടനം ചെയ്യും. കർഷകസംഘം ജില്ലാ സെക്രട്ടറി റോമിയോ സെബാസ്റ്റ്യൻ ക്യാപ്ടനും കർഷക യൂണിയൻ ജില്ലാ പ്രസിഡന്റ് ബിജു ഐക്കര വൈസ് ക്യാപ്ടനും സിനോജ് വള്ളാടി മാനേജരും പി.എസ്. സുരേഷ്, പി.പി. ചന്ദ്രൻ, സാബു മാത്യു, ഡൊമിനിക് മടുക്കക്കുഴി, ദിലീപ് പുത്തരി, ക്രിസ്റ്റി തോമസ്, ബാബു മഞ്ഞള്ളൂർ തുടങ്ങിയവർ ജാഥാംഗങ്ങളുമാണ്. 27ന് രാവിലെ 8.30ന് വണ്ണപ്പുറം, ഒമ്പതിന് കോടിക്കുളം, 9.30ന് കരിമണ്ണൂർ, 10.15ന് ഉടുമ്പന്നൂർ, 11ന് ആലക്കോട്, 11.30ന് ഇളംദേശം, 12.30ന് അശോകകവല, ഒന്നിന് കാഞ്ഞാർ, 2.30ന് മുട്ടം, 3.15ന് കരിങ്കുന്നം, നാലിന് വഴിത്തല, അഞ്ചിന് തൊടുപുഴയിൽ പ്രകടനത്തോടും കൂടി സമാപന സമ്മേളനം നടത്തുമെന്ന് സംയുക്ത കർഷക സമിതി ചെയർമാൻ മാത്യു വർഗീസും കൺവീനർ എൻ.വി. ബേബിയും അഭ്യർത്ഥിച്ചു.