തൊടുപുഴ:സാക്ഷരതാമിഷൻ പത്താംതരം തുല്യതാ പഠിതാക്കൾ ക്രിസ്മസ് ആഘോഷം സംഘടിപ്പിച്ചു. തൊടുപുഴ എ.പി.ജെ.അബ്ദുൾകലാം സ്‌കൂളിൽ സംഘടിപ്പിച്ച ആഘോഷം വാർഡ് കൗൺസിലർ ജയലക്ഷ്മി ഗോപൻ കേക്ക് മുറിച്ച് ഉദ്ഘാടനം ചെയ്തു. സെന്റർ കോർഡിനേറ്റർ ബെന്നി ജോൺ അദ്ധ്യക്ഷത വഹിച്ചു. പഠിതാക്കളുടെ വിവിധ കലാപരിപാടികളും കരോൾ ഗാന മത്സരങ്ങളും ആഘോഷങ്ങളുടെ ഭാഗമായി നടന്നു. അദ്ധ്യാപകരായ അൻസ എം.എം, ജൂബി സുധീർ, പ്രവീണ രാജേഷ്, ഷെമീന,ക്ലാസ് ലീഡർമാരായ സബീന നിഷാം, ജയ്സൺ ജോർജ്, എന്നിവർ പ്രസംഗിച്ചു.