അടിമാലി: പൊലീസിനെതിരെ കോൺഗ്രസും സി.ഐ.ടി.യു യൂണിയൻ പ്രവർത്തകരും ഒരേ സമയത്ത് അടിമാലി ടൗണിൽനേർക്കുനേർ പ്രകടനം നടത്തി .സി ഐ ടി യു പ്രവർത്തകരെ യൂത്ത് കോൺഗ്രസ് പ്രവർത്തകർ കൈയേറ്റം ചെയ്തതിൽ പ്രതിഷേധിച്ച് സി.ഐ.ടി.യു പ്രകടനവും , കോൺഗ്രസ് പ്രകടനവും ഒരേസമയത്ത് അടിമാലി ടൗണിൽ എത്തിയപ്പോൾ ക്രിസ്തുമസ് ആഘോഷ തിരക്കും ആയതുകൊണ്ട് രണ്ടുകൂട്ടരും പ്രകടനം നടത്തി, മുദ്രാവാക്യം വിളിച്ച് പിരിഞ്ഞുപോയി. കോൺഗ്രസ് യോഗത്തിൽ ഹാപ്പി കെ വർഗീസ് അദ്ധ്യക്ഷത വഹിച്ചു. പി വി സ്​കറിയ യോഗം ഉദ്ഘാടനം ചെയ്തു. ജോർജ് തോമസ്, സി എസ് .നാസർ എന്നിവർ സംസാരിച്ചു. സി.ഐ.ടി.യുയോഗത്തിൽ സി.ഡി ഷാജി അദ്ധ്യക്ഷത വഹിച്ചു. എം കമറുദ്ദീൻ ഉദ്ഘാടനം ചെയ്തു.പി.ജി അനിത, മാത്യു ഫിലിപ്പ് , സി.ഡി അഗസ്റ്റിൻ എന്നിവർ സംസാരിച്ചു.

അടിമാലിയിൽ സി. ഐ. ടി. യുവിന്റെയും കോൺഗ്രസിന്റെയും പ്രകടനവും ഒരേസമയത്ത് നടന്നപ്പോൾ