ഇടുക്കി: സംക്ഷിപ്ത വോട്ടർ പട്ടിക പുതുക്കൽ 2024 മായി ബന്ധപ്പെട്ട് നടപടികൾ വിലയിരുത്തുന്നതിന് ജില്ലാ കളക്ടർ ഷീബാ ജോർജിന്റെ അദ്ധ്യക്ഷതയിൽ രണ്ടാം ഘട്ട യോഗം ചേർന്നു. വോട്ടർ പട്ടിക പുതുക്കൽ, റിവിഷൻ പ്രവർത്തനങ്ങളുടെ പ്രാധാന്യം, നിലവിലെ പ്രവർത്തനങ്ങൾ തുടങ്ങിയവ യോഗത്തിൽ അവലോകനം ചെയ്തു. പട്ടിക പുതുക്കലിന്റെ കാലയളവിൽ ജില്ലയിൽ ലഭിച്ച അപേക്ഷകളുടെ വിവരങ്ങൾ ജില്ലാ കളക്ടർ യോഗത്തിൽ വിശദീകരിച്ചു. ഇലക്ഷൻ ഡെപ്യൂട്ടി കളക്ടർ ലത വി.ആർ, വിവിധ രാഷ്ട്രീയകക്ഷി നേതാക്കൾ, ഇലക്ഷൻ വിഭാഗം ജീവനക്കാർ എന്നിവർ യോഗത്തിൽ പങ്കെടുത്തു.