കേളകം: ജനവാസ മേഖലകളിൽ വീണ്ടും കാട്ടാന വിളയാട്ടം. കൊട്ടിയൂർ വനാതിർത്തിയോട് ചേർന്ന് കിടക്കുന്ന രാമച്ചിയിലെ ജനവാസ മേഖലകളിലാണ് രൂക്ഷമായ കാട്ടാനശല്യം തുടരുന്നത്. രാത്രിയും പകലും കാട്ടാന ജനവാസ മേഖലയിലെത്തി ഭീതി വിതയ്ക്കുകയും കൃഷി നാശം വരുത്തുകയുമാണ്.
കഴിഞ്ഞ ദിവസം രാമച്ചിയിലെ താഴത്തെ മുറിയിൽ ജോണിന്റെ വാഴത്തോട്ടവും മറ്റ്
കാർഷിക വിളകളുമാണ് കാട്ടാന നശിപ്പിച്ചത്. മുമ്പ് നിരവധി തവണ ജോണിന്റെ കൃഷിയിടത്തിൽ കാട്ടാനകൾ നാശം വിതച്ചിരുന്നു. കഴിഞ്ഞ ഏതാനും വർഷങ്ങളായി ഏക്കർ കണക്കിന് കൃഷിയിടത്തിലെ കായ്ഫലമുള്ള തെങ്ങുകളും കമുകും ഉൾപ്പെടെ കാട്ടാനകൾ നശിപ്പിച്ചിട്ടുണ്ട്. വനാതിർത്തികളിൽ അടിയന്തരമായി ആനമതിൽ സ്ഥാപിക്കണമെന്നാണ് പ്രദേശവാസികൾ ആവശ്യപ്പെടുന്നത്.