പാപ്പിനിശ്ശേരി : കേരള സർക്കാരിന്റെ വ്യവസായ വകുപ്പിൻ കീഴിൽ പാപ്പിനിശ്ശേരി ആസ്ഥാനമായി പ്രവർത്തിക്കുന്ന പൊതുമേഖലാ സ്ഥാപനമായ കെ.സി.സി.പി ലിമിറ്റഡിന്റെ വൈവിദ്ധ്യവത്കരണ പദ്ധതിയുടെ ഭാഗമായി മൂന്നാമത്തെ പെട്രോൾ പമ്പ് നാടുകാണി കിൻഫ്രാ കോമ്പൗണ്ടിൽ ജനുവരി മുതൽ പ്രവർത്തനം ആരംഭിക്കും. ബി.പി.സി.എല്ലുമായി സഹകരിച്ച് ആരംഭിക്കുന്ന പെട്രോൾ പമ്പിന്റെ നിർമ്മാണ പ്രവർത്തനങ്ങളുടെ പുരോഗതി കെ.സി.സി.പി.എൽ ചെയർമാൻ ടി.വി. രാജേഷും മാനേജിംഗ് ഡയറക്ടർ ആനക്കൈ ബാലകൃഷ്ണനും നേരിട്ട് സന്ദർശിച്ച് വിലയിരുത്തി. കെ.സി.സി.പി.എല്ലിന്റെ മറ്റ് രണ്ട് പെട്രോൾ പമ്പുകൾ പാപ്പിനിശ്ശേരിയിലും മാങ്ങാട്ടുപറമ്പിലും പ്രവർത്തിക്കുന്നുണ്ട്. കൂടാതെ കമ്പനിയുടെ കരിന്തളം യൂണിറ്റിലും പാലക്കാട് കഞ്ചിക്കോട് കിൻഫ്രാ പാർക്കിലും 2024ൽ രണ്ടു പമ്പുകൾ കൂടി സ്ഥാപിക്കുവാനുള്ള നടപടികൾ പുരോഗമിച്ചു വരികയാണ്.