കാഞ്ഞങ്ങാട് : ജില്ലാ ആശുപത്രി ഫാർമസിയിലും കാരുണ്യ ഫാർമസിയിലും ആവശ്യ മരുന്നുകൾ ലഭ്യമല്ലാത്തതിന്റെ പേരിൽ യൂത്ത് കോൺഗ്രസ് ഡി.ഒ.എ യെ ഉപരോധിച്ചു. കഴിഞ്ഞ കുറെ മാസങ്ങളായി കാഞ്ഞങ്ങാട് ജില്ല ആശുപത്രിയിൽ അവശ്യ മരുന്നുകൾ പോലും കിട്ടാനില്ല. മാരക രോഗങ്ങൾക്ക് പോലും മരുന്നുകളില്ലാതെ ബുദ്ധിമുട്ടുകയാണെന്നും പ്രശ്നം എത്രയും വേഗം പരിഹരിച്ചില്ലെങ്കിൽ ശക്തമായ തുടർ സമരങ്ങളുമായി മുന്നോട്ട് പോകുമെന്നും യൂത്ത് കോൺഗ്രസ് നിയോജക മണ്ഡലം പ്രസിഡന്റ് ഷിബിൻ ഉപ്പിലിക്കൈ പറഞ്ഞു. യൂത്ത് കോൺഗ്രസ് ജില്ലാ ജനറൽ സെക്രട്ടറി അക്ഷയ എസ് ബാലൻ, നിയോജക മണ്ഡലം ഭാരവാഹികളായ ശരത്ത് മരക്കാപ്പ്, സിജോ അമ്പാട്ട്, കാഞ്ഞങ്ങാട് മണ്ഡലം പ്രസിഡന്റ് എച്ച്.ആർ വിനീത് , കൃഷ്ണലാൽ തോയമ്മൽ, സനോജ് കുശാൽ നഗർ, പ്രതീഷ് കല്ലഞ്ചിറ തുടങ്ങിയവർ നേതൃത്വം നൽകി.