ചായ്യോത്ത്:ചായ്യോത്ത് ജ്യോതിഭവൻ സ്കൂൾ ഫോർ ദി ഹിയറിംഗ് ഇമ്പയേർഡിന്റെ ആഭിമുഖ്യത്തിൽ ക്ലീനിംഗ് ഉൽപ്പന്നങ്ങളുടെ നിർമ്മാണ പരിശീലനം സംഘടിപ്പിച്ചു. പൂർവ്വ വിദ്യാർത്ഥികൾക്കടക്കം സ്വയം തൊഴിൽ കണ്ടെത്തുക എന്ന ലക്ഷ്യത്തോടെ സ്വദേശിൻ്റെ സഹകരണത്തോടെയാണ് പരിശീലനം സംഘടിപ്പിച്ചത് ബാത്ത് റൂം ക്ലീനർ, ഫ്ലോർ ക്ലീനർ, ഡിഷ് വാഷ്, ഹാൻ്റ് വാഷ്, ഫിനോയിൽ തുടങ്ങിയ ഉൽപ്പന്നങ്ങൾ നിർമ്മിക്കുന്നതിനാവശ്യമായ പരിശീലനമാണ് നൽകിയത്. വിദ്യാർത്ഥികളെ സ്വയം തൊഴിൽ നേടുന്നതിന് പര്യാപ്തമാക്കുക എന്നതാണ് പരിപാടിയുടെ ലക്ഷ്യം. മാർക്കറ്റിൽ ലഭിക്കുന്ന വിലയുടെ നാലിലൊന്ന് വിലയ്ക്ക് ഗുണമേന്മയുള്ള ഉത്പന്നങ്ങൾ നിർമ്മിച്ച് അതിലൂടെ മികച്ച വരുമാനം നേടാനാകുമെന്ന് പരിശീലകർ പറഞ്ഞു. ഉത്പന്നങ്ങളുടെ വില്പന സ്കൂൾ പ്രധാനാദ്ധ്യാപിക സിസ്റ്റർ കെ.ടി. സോഫിയമ്മ നിർവഹിച്ചു.