മാഹി:ശിവഗിരി തീർത്ഥാടന സമ്മേളനവേദിയിലേക്ക് കണ്ണൂരിൽ നിന്നും പുറപ്പെടുന്ന ദിവ്യജ്യോതിപ്രയാണത്തിന് എസ്.എൻ.ഡി.പി. യോഗം മാഹി യൂണിയന്റെ നേതൃത്വത്തിൽ 26 ന് രാവിലെ 9ന് മാഹി മുൻസിപ്പാൽ മൈതാനിയിൽ സ്വീകരണം നൽകും. സ്വീകരണയോഗത്തിൽ മാഹിയിലെ മുതിർന്ന 50 ഓളം ശ്രീനാരായണിയരെ ആദരിക്കും. സ്വാമി പ്രേമാനന്ദ, ജ്ഞാനോദയയോഗം അദ്ധ്യക്ഷൻ അഡ്വ.കെ.സത്യൻ എന്നിവർ പരിപാടിയിൽ സംബന്ധിക്കും.
സ്‌നേഹാദര ചടങ്ങിന്റെ ഉദ്ഘാടനം രമേശ് പറമ്പത്ത് എം.എൽ.എ നിർവ്വഹിക്കും. മുൻ മന്ത്രി ഇ.വത്സരാജ്, അഡ്വ.ടി. അശോക് കുമാർ, എ. ദിനേശൻ എന്നിവർ സംബന്ധിക്കുമെന്ന് വാർത്ത സമ്മേളനത്തിൽ കല്ലാട്ട് പ്രേമൻ, സജിത്ത് നാരായണൻ, സി.രാജേന്ദ്രൻ, രാജേഷ് വി ശിവദാസ് എന്നിവർ അറിയിച്ചു.