കാഞ്ഞങ്ങാട്: കല്ലൂരാവിയിൽ കൊല ചെയ്യപ്പെട്ട ഔഫ് അബ്ദുൾ റഹ്മാന്റെ രക്തസാക്ഷി ദിനത്തിൽ പഴയകടപ്പുറത്ത് ഡി.വൈ.എഫ്.ഐ യുടെ നേതൃത്വത്തിൽ അനുസ്മരണ പൊതുയോഗം സംഘടിപ്പിച്ചു.ഡി.വൈ.എഫ്.ഐ ജില്ലാ സെക്രട്ടറി രജീഷ് വെള്ളാട്ട് ഉദ്ഘാടനം ചെയ്തു. സംഘാടക സമിതി ചെയർമാൻ എൻ.വി.ബാലൻ അദ്ധ്യക്ഷത വഹിച്ചു. ബ്ലോക്ക് പ്രസിഡന്റ് വിപിൻ ബല്ലത്ത് പതാകയുയർത്തി.ജില്ലാ പ്രസിഡന്റ് അഡ്വ.ഷാലു മാത്യു,മുൻ സംസ്ഥാന ട്രഷറർ വി.വി.രമേശൻ, മുൻ ജില്ലാ പ്രസിഡന്റുമാരായ കെ.രാജ്‌മോഹൻ, പി.കെ.നിഷാന്ത്, സംസ്ഥാന കമ്മിറ്റി അംഗം കെ.സബീഷ്, ബ്ലോക്ക് സെക്രട്ടറി വി.ഗിനീഷ്, ജില്ലാകമ്മിറ്റി അംഗങ്ങളായ അനീഷ് കുറുമ്പാലം, വി.പി. അമ്പിളി എന്നിവർ സംസാരിച്ചു. സംഘാടക സമിതി കൺവീനർ നിതിൻ സ്വാഗതം പറഞ്ഞു. വൈകീട്ട് നടന്ന അനുസ്മരണ സമ്മേളനം ഡി.വൈ.എഫ്.ഐ സംസ്ഥാന പ്രസിഡന്റ് വി.വസീഫ് ഉദ്ഘാടനം ചെയ്തു.