പേരാമ്പ്ര: പേരാമ്പ്രയിൽ ബൈപ്പാസ് റോഡിൽ കാർ വയലിലേക്ക് മറിഞ്ഞു. പ്രസവം കഴിഞ്ഞ് ആറ് ദിവസം മാത്രം പ്രായമുള്ള കൈക്കുഞ്ഞുമായി വീട്ടിലേക്ക് മടങ്ങുമ്പോഴാണ് കുറ്റിയാടി സ്വദേശികൾ സഞ്ചരിച്ചിരുന്ന കാർ അപകടത്തിൽപ്പെട്ടത്.
ഇന്നലെ വൈകിട്ട് 3.30 ഓടെയായിരുന്നു അപകടം. കക്കാട് ബൈപ്പാസ് റോഡിൽ ഇ.എം.എസ് ആശുപത്രിക്ക് സമീപത്തെ റോഡിൽ നിന്നും വയലിലേക്ക് മറിയുകയായിരുന്നു. കാർ നിയന്ത്രണം വിട്ടതാണ് അപകടത്തിൽ പെടാൻ കാരണമെന്ന് കരുതുന്നു.
കുറ്റിയാടി സ്വദേശികളായ അജീഷ് , അഞ്ചു , ആഞ്ജനേയ, സരോജിനി , യശോദ എന്നിവരാണ് വാഹനത്തിൽ ഉണ്ടായിരുന്നത്
ഇവരെ ഇ.എം.എസ് ആശുപത്രിയിൽ പ്രവേശിപ്പിച്ചു.