കോഴിക്കോട്: സ്ട്രോകിനെതിരെ ബോധവത്കരണം നടത്തുന്ന നിഖില ഫൗണ്ടേഷൻ ചാരിറ്റബിൾ സൊസൈറ്റിയുടെ നേതൃത്വത്തിൽ കോഴിക്കോട് ജെ.ഡി.ടി പോളിടെക്നിക് കോളേജിൽ എഡ്യുക്കേഷൻ എക്സലൻസ് അവാർഡുകൾ വിതരണം ചെയ്തു. വിദ്യാർത്ഥികളായ ആയിഷ, ഷംന .കെ എന്നിവർ അവാർഡുകൾ ഏറ്റുവാങ്ങി.കോഴിക്കോട് ഡെപ്യൂട്ടി കളക്ടർ (ഇലക്ഷൻ) ഡോ. ശീതൾ ജി മോഹൻ ഉദ്ഘാടനം ചെയ്തു. ഡോ. മുഹമ്മദ് റിജോഷ് (ന്യൂറോളജി ഡിപ്പാർട്ട്മെന്റ് ഹെഡ്, ഗവ. ബീച്ച് ഹോസ്പിറ്റൽ) മുഖ്യപ്രഭാഷണം നടത്തി. ജെ .ഡി .ടി പോളിടെക്നിക് പ്രിൻസിപ്പൽ മാനുവൽ ജോർജ് അദ്ധ്യക്ഷത വഹിച്ചു. ഷബാന മൻസൂർ സ്വാഗതവും ഫൗണ്ടേഷൻ സെക്രട്ടറി പ്രസാദ് കണക്കശ്ശേരി നന്ദിയും പറഞ്ഞു.