കോട്ടയം: ഏറ്റുമാനൂർ ബ്ലോക്ക് പഞ്ചായത്ത് വാർഷിക പദ്ധതികളുടെ ആസൂത്രണം, നിർവഹണം, മോണിറ്ററിംഗ് എന്നീ പ്രവർത്തനങ്ങളിൽ സാങ്കേതിക സഹായം ലഭ്യമാക്കുന്നതിന് പ്രോജക്ട് അസിസ്റ്റന്റിനെ നിയമിക്കുന്നതിന് അപേക്ഷ ക്ഷണിച്ചു. ഒരു വർഷത്തെ കരാർ വ്യവസ്ഥയിലാണ് നിയമനം. 2023 ജനുവരി ഒന്നിന് 18 നും 30 വയസിനും ഇടയിൽ പ്രായമുവർക്ക് അപേക്ഷിക്കാം. പട്ടികജാതി പട്ടികവർഗ വിഭാഗക്കാർക്ക് മൂന്ന് വർഷത്തെ ഇളവുണ്ട്. അപേക്ഷകർ ബയോഡേറ്റാ, യോഗ്യത, പ്രായം എന്നിവ തെളിയിക്കുന്ന സർട്ടിഫിക്കറ്റുകളുടെ പകർപ്പ് സഹിതം സെക്രട്ടറി, ഏറ്റുമാനൂർ ബ്ലോക്ക് പഞ്ചായത്ത്, കോട്ടയം 686631 എന്ന വിലാസത്തിൽ നേരിട്ടോ തപാൽ മുഖേനയോ 11 ന് വൈകിട്ട് അഞ്ചിനകം അപേക്ഷിക്കണം. ഫോൺ : 0481 2537639, 0481 2536497.