ചിങ്ങവനം: വീട്ടിൽ കയറി അതിക്രമം നടത്തിയ യുവാവ് അറസ്റ്റിൽ. കുറിച്ചി എസ്.പുരം നിതീഷ് ഭവനിൽ നിധീഷ് (33) നെയാണ് ചിങ്ങവനം പൊലീസ് അറസ്റ്റ് ചെയ്തത്. ഇയാളും സുഹൃത്തുക്കളും ചേർന്ന് കഴിഞ്ഞദിവസം സമീപവാസിയായ യുവതിയുടെ വീടിന്റെ കതക് തള്ളിത്തുറന്ന് യുവതിയെയും മറ്റും അസഭ്യം പറയുകയും കൊല്ലുമെന്ന് ഭീഷണിപ്പെടുത്തുകയുമായിരുന്നു. കൂടാതെ വീടിന്റെ ജനലുകളും മറ്റും ഇഷ്ടികകൊണ്ട് എറിഞ്ഞ് നാശനഷ്ടം വരുത്തുകയും ചെയ്തു. ഇവർക്ക് യുവതിയുടെ സഹോദരങ്ങളുമായി മുൻവൈരാഗ്യം നിലനിന്നിരുന്നു. ഇതിന്റെ തുടർച്ചയായാണ് ആക്രമണം. പരാതിയെ തുടർന്ന് പൊലീസ് കേസെടുത്ത് ഇയാളെ പിടികൂടി. പ്രതിയെ കോടതിയിൽ ഹാജരാക്കി. മറ്റു പ്രതികൾക്കായി തിരച്ചിൽ ശക്തമാക്കി.