പൊൻകുന്നം : 12ന് വൈകിട്ട് നാലിന് പൊൻകുന്നം ഗവൺമെന്റ് ഹയർസെക്കൻഡറി സ്‌കൂൾ മൈതാനത്ത് നടക്കുന്ന കാഞ്ഞിരപ്പള്ളി മണ്ഡലം നവകേരളസദസിൽ 15,000 പേർ പങ്കെടുക്കുമെന്ന് ചീഫ് വിപ്പ് എൻ. ജയരാജ് പറഞ്ഞു. നവകേരളസദസ് അവലോകനയോഗത്തിൽ സംസാരിക്കുകയായിരുന്നു അദ്ദേഹം. സമൂഹത്തിന്റെ വിവിധ മേഖലകളിൽനിന്നുള്ളവർ പരിപാടിയുടെ ഭാഗമാകുമെന്നും അദ്ദേഹം പറഞ്ഞു. മുന്നൊരുക്കങ്ങൾ യോഗം വിലയിരുത്തി. വേദി സജ്ജമാക്കേണ്ട രീതി, പരാതിപരിഹാര കൗണ്ടറുകളുടെ സജ്ജീകരണം, മറ്റ് സുരക്ഷാക്രമീകരണങ്ങൾ എന്നിവയും വിലയിരുത്തി. പഞ്ചായത്തുതല വിളംബര ജാഥകൾ ഡിസംബർ ഒൻപതിനകം നടത്തും.പൊൻകുന്നം സർക്കാർ ഹയർ സെക്കൻഡറി സ്‌കൂളിൽ നടന്ന യോഗത്തിൽ സംഘാടകസമിതി ജനറൽ കൺവീനറായ ഡെപ്യൂട്ടി കളക്ടർ കെ. ഗീതാകുമാരി അദ്ധ്യക്ഷയായി.