വൈക്കം: ഗവ.ആശുപത്രികളിൽ രോഗികളുടെ പൂർണ വിവരം സൂക്ഷിക്കുന്ന ഇ-ഹെൽത്ത് പദ്ധതി വൈക്കം താലൂക്ക് ആശുപത്രിയിൽ നടപ്പാക്കാനായി വൈക്കം റോട്ടറി ക്ലബ് അഞ്ച് കമ്പ്യൂട്ടറുകൾ നൽകി. സി.കെ.ആശ എം.എൽ.എ ഉദ്ഘാടനം ചെയ്തു. റോട്ടറി ക്ലബ് പ്രസിഡന്റ് ജെറി ചെറിയാൻ അദ്ധ്യക്ഷത വഹിച്ചു. ആർ.എം.ഒ ഡോ.എസ്.കെ. ഷീബ കമ്പ്യൂട്ടറുകൾ ഏറ്റുവാങ്ങി. റോട്ടറി മുൻ ഗവർണർ ഇ.കെ.ലുക്ക്, സെക്രട്ടറി ജെയിംസ് പാലക്കൻ, അഡ്വ.കെ.പി.ശിവജി, ഡോ.മനോജ്, സാബു വർഗീസ്, സണ്ണി കുര്യാക്കോസ്, ജോഷി ജോസഫ് , ഷിജോ മാത്യു , സോണി സണ്ണി , ജയലക്ഷ്മി, എൻ. ബിന്ദു എന്നിവർ പ്രസംഗിച്ചു.