പാലാ: എസ്.എൻ.ഡി.പി യോഗം മീനച്ചിൽ യൂണിയന്റെ പുതുതായി തെരഞ്ഞെടുക്കപ്പെട്ട വനിതാസംഘം ഭാരവാഹികളുടെ പ്രഥമയോഗം ഇന്ന് രാവിലെ 10ന് യൂണിയൻ ഹാളിൽ ചേരുമെന്ന് കൺവീനർ സംഗീത അരുൺ അറിയിച്ചു. ചെയർപേഴ്‌സൺ മിനർവാ മോഹൻ അദ്ധ്യക്ഷത വഹിക്കും. പഴയ സമിതിയിൽ നിന്നും റിക്കാർഡുകൾ പുതിയസമിതി ഏറ്റുവാങ്ങും. ഓരോ യൂണിയൻ കമ്മറ്റിയംഗങ്ങൾക്കും അഞ്ച് ശാഖകളുടെ ചുമതല ഏൽപിച്ചുകൊടുക്കുമെന്ന് ചെയർപേഴ്‌സൺ മിനർവാ മോഹൻ പറഞ്ഞു. ശിവഗിരി പദയാത്ര സംബന്ധിച്ചുള്ള കാര്യങ്ങളും വനിതാസംഘം ചർച്ച ചെയ്യുമെന്ന് ചെയർപേഴ്‌സൺ അറിയിച്ചു.