കടുത്തുരുത്തി: എസ്.എൻ.ഡി.പി യോഗം കടുത്തുരുത്തി യൂണിയനിൽ ഇന്നും നാളെയും വിവാഹപൂർവ കൗൺസിലിംഗ് കോഴ്‌സ് നടക്കുമെന്ന് യൂണിയൻ സെക്രട്ടറി സി.എം ബാബു അറിയിച്ചു. ഇന്ന് രാവിലെ 9ന് യൂണിയൻ ഹാളിൽ നടക്കുന്ന കൗൺസിലിംഗ് കോഴ്‌സ് യൂണിയൻ പ്രസിഡന്റ് എ.ഡി പ്രസാദ് ആരിശേരി ഉദ്ഘാടനം ചെയ്യും. യൂണിയൻ സെക്രട്ടറി സി.എം ബാബു അദ്ധ്യക്ഷത വഹിക്കും. യൂണിയൻ വൈസ് പ്രസിഡന്റ് കെ.എസ് കിഷോർകുമാർ, യോഗം ബോർഡ് മെമ്പർ ടി.സി ബൈജു, യൂണിയൻ കൗൺസിൽ അംഗങ്ങൾ, വനിതാസംഘം, യൂത്ത്മൂവ്‌മെന്റ് ഭാരവാഹികൾ എന്നിവർ പ്രസംഗിക്കും.