വെച്ചൂർ : ജനകീയസൂത്രണ പദ്ധതി പ്രകാരം വെച്ചൂർ പഞ്ചായത്തിൽ മുട്ടക്കോഴി വിതരണ ഉദ്ഘാടനം നട​ത്തി. 600 കുടുംബങ്ങൾക്ക് 5 മുട്ടക്കോഴി കുഞ്ഞുങ്ങളെ വീതമാണ് വിതരണം ചെയ്യുന്നത്. 360000​ രൂപയാണ് അടങ്കൽ തുക. വനിതാഘടക പദ്ധ​തി​യി​ലൂ​ടെ വനിതകളുടെ സമ്പാദ്യശീലം വർദ്ധിപ്പിക്കുന്നതിനും ദാരിദ്ര ലഘൂ​ക​ര​ണ​വു​മാ​ണ് ല​ക്ഷ്യ​മി​ടു​ന്ന​ത്. പദ്ധതിയുടെ വിതരണ ഉദ്ഘാട​നം വെച്ചൂർ പഞ്ചായത്ത് പ്രസിഡന്റ്​ കെ.ആ​ർ ഷൈലകുമാർ നിർവഹിച്ചു. വൈസ് പ്രസി​ഡന്റ് ബിൻസി ജോസ​ഫ് അദ്ധ്യക്ഷത വഹിച്ചു. വാർഡ് മെ​മ്പർ സ്വപ്ന സ്വാ​ഗ​തം പറ​ഞ്ഞു. ഡോ.നിമ്മി,ഗീത സോമൻ, ബിന്ദു രാജു എന്നിവർ പങ്കെടുത്തു.