കോട്ടയം: കേന്ദ്രസർക്കാർ അനുമതി നൽകിയാൽ കെ- റെയിലുമായി സർക്കാർ മുന്നോട്ടുപോകുമെന്ന് മുഖ്യമന്ത്രി പിണറായി വിജയൻ പറഞ്ഞു. കോട്ടയത്തെ പ്രഭാത യോഗത്തിൽ ജസ്റ്റിസ് കെ.ടി.തോമസാണ് വിഷയം ഉന്നയിച്ചത്. പണലഭ്യത ഇക്കാര്യത്തിൽ പ്രശ്നമല്ല. സർക്കാർ പദ്ധതി ഉപേക്ഷിച്ചിട്ടില്ല. രാഷ്ട്രീയം വന്നതോടെയാണ് പദ്ധതി നടപ്പാക്കുന്നതിൽ പ്രശ്നങ്ങൾ ഉണ്ടായത്. നമ്മൾ മാത്രം വിചാരിച്ചാൽ നടപ്പാക്കാൻ സാധിക്കുന്നതല്ലത്. വെറുതെ അദ്ധ്വാനം പാഴാക്കേണ്ട എന്നു കരുതി നിറുത്തിവച്ചതാണ്. സാധാരണ നിലയിൽ കേന്ദ്രസർക്കാർ അനുമതി നൽകേണ്ടതാണ്. ചില സങ്കുചിത മനസുകൾ അതിനു അനുവദിച്ചില്ലെന്നും അദ്ദേഹം പറഞ്ഞു.