കോട്ടയം: കേരള ഖാദി ഗ്രാമ വ്യവസായ ബോർഡ് ജില്ലാ ഖാദി ഗ്രാമ വ്യവസായ ഓഫീസിന്റെ ആഭിമുഖ്യത്തിൽ ക്രിസ്മസ് - നവവത്സര മേളയുടെ ജില്ലാതല ഉദ്ഘാടനം കോട്ടയം സി.എസ്.ഐ കോംപ്ലക്‌സിലെ ഖാദി ഗ്രാമ സൗഭാഗ്യ അങ്കണത്തിൽ ജില്ലാ പഞ്ചായത്ത് പ്രസിഡന്റ് കെ.വി ബിന്ദു നിർവഹിച്ചു. ഖാദി ബോർഡംഗം കെ.എസ്. രമേഷ്ബാബു അദ്ധ്യക്ഷത വഹിച്ചു. ആദ്യവില്പന ഡോ. അഞ്ജു സി നായർക്ക് നൽകി നഗരസഭാംഗം അജിത്ത് പൂഴിത്തറ നിർവഹിച്ചു. കോട്ടയം, ചങ്ങനാശേരി, ഏറ്റുമാനൂർ, വൈക്കം, ഉദയനാപുരം തുടങ്ങിയ വില്പന കേന്ദ്രങ്ങളിൽ റിബേറ്റ് ലഭ്യമാണ്.