കോട്ടയം: റോഡിൽ പാർക്ക് ചെയ്തിരുന്ന പിക്കപ്പ് വാൻ മോ​ഷ്ടിച്ച യു​വാ​വ് അ​റ​സ്റ്റിൽ. പെരുമ്പായിക്കാട് പുല്ലരിക്കുന്ന് പാറയ്ക്കൽ കരോട്ട് വീട്ടിൽ നടരാജൻ (24) നെയാണ് കോട്ടയം വെ​സ്റ്റ് പൊലീസ് അറസ്റ്റ് ചെയ്ത​ത്. കോട്ടയം കുര്യൻസ് റോഡിൽ പാർക്ക് ചെയ്തിരുന്ന മഹീന്ദ്ര പിക്കപ്പ് വാൻ മോഷ്ടിച്ചുകൊണ്ട് കടന്നു കളയുകയായിരുന്നു. പരാതിയെ തുടർന്ന് കോട്ടയം വെ​സ്റ്റ് പൊലീസ് കേ​സെ​ടുത്തു. തുടർന്ന് നടത്തിയ ശാസ്ത്രീയമായ പരിശോധനയിൽ മോഷ്ടാവിനെ തിരി​ച്ച​റി​ഞ്ഞ് ഇയാളെ പിടി​കൂ​ടി. മോഷ്ടിച്ച വാ​ഹ​നം പൊലീസ് ക​ണ്ടെ​ടു​ത്തു. വെസ്റ്റ് സ്റ്റേഷൻ എസ്.എച്ച്.ഒ കെ.ആർ പ്രശാന്ത് കു​മാ​റി​ന്റെ നേ​തൃ​ത്വ​ത്തി​ലാ​യി​രു​ന്നു അ​റ​സ്റ്റ്. കോടതിയിൽ ഹാജരാക്കി​യ പ്ര​തി​യെ റിമാൻഡ് ചെയ്തു.