കോട്ടയം : മാലിന്യമുക്തം നവകേരളം കാമ്പയിൻ ക്യാബിനറ്റ് അംഗങ്ങളുടെ അവലോകനയോഗം സംഘടിപ്പിച്ചു. തദ്ദേശസ്വയംഭരണ വകുപ്പ് ജോയിന്റ് ഡയറക്ടർ ബിനു ജോൺ അദ്ധ്യക്ഷത വഹിച്ചു. യോഗത്തിൽ ഇതുവരെ നടത്തിയ കാമ്പയിൻ പ്രവർത്തനങ്ങൾ വിലയിരുത്തി. ഹരിത കർമ്മസേനാംഗങ്ങളുടെ സേവന ഗുണനിലവാരം പരിശോധിക്കും. മിനി എം.സി.എഫ്, എം.സി.എഫ് എന്നിവിടങ്ങളിൽ അടിസ്ഥാന സൗകര്യം ഉറപ്പുവരുത്തും. എൻഫോഴ്‌സ്‌മെന്റ് സ്‌ക്വാഡിന്റെ പ്രവർത്തനം കൂടുതൽ കാര്യക്ഷമാക്കാനും വലിയ അളവിൽ മാലിന്യങ്ങൾ ഉൽപാദിപ്പിക്കുന്നവരുടെ വിവരശേഖരണം നടത്തി ജൈവമാലിന്യം സംസ്‌കരണം കൃത്യമായി നടത്തുന്നുണ്ടെന്ന് ഉറപ്പുവരുത്താനും തീരുമാനിച്ചു. എല്ലാ വ്യാപാരസ്ഥാപനങ്ങളിലും വിനോദ സഞ്ചാരകേന്ദ്രങ്ങൾ, ബസ് സ്റ്റാൻഡുകൾ തുടങ്ങിയിടങ്ങളിലും ബിന്നുകൾ സ്ഥാപിക്കും.