കോ​ട്ട​യം : മഴ പെയ്താൽ വെള്ളത്തിലാകും, ചുവരുകൾ അടക്കം വിണ്ടുകീറി, ഒപ്പം പായലും പുല്ലും നിറഞ്ഞു...കോടികൾ മുടക്കി നിർമ്മിച്ച് കായികതാരങ്ങൾക്ക് ഏറെ പ്രതീക്ഷ നൽകിയ നാഗമ്പടം ഇൻഡോർ സ്റ്റേഡിയം അവഗണനയുടെ ട്രാക്കിലൂടെ ഓടാൻ തുടങ്ങിയിട്ട് നാളേറെയായി.

ന​ഗ​ര​മ​ദ്ധ്യ​ത്തിൽ നാ​ഗ​മ്പ​ടം നെ​ഹ്​റു പാർ​ക്കി​ന് സ​മീ​പ​ത്താ​ണ് സ്‌​റ്റേ​ഡി​യം സ​മുച്ച​യം സ്ഥി​തി ചെ​യ്യു​ന്ന​ത്. ന​ഗ​ര​സ​ഭ​യു​ടെ കീ​ഴി​ലാ​ണ് പ്ര​വർ​ത്ത​നം. ത​ടിയിൽ തീ​ർ​ത്ത ഫ്ലോർ പ​ല​യി​ട​ത്തും പൊ​ട്ടി​ത്തകർ​ന്നു. ഗാ​ല​റി​യി​ലെ ഭൂ​രി​ഭാ​ഗം ഇ​രി​പ്പി​ട​ങ്ങളും ത​കർ​ന്നു. ബാ​ത്ത് റൂ​മു​കൾ ഉ​ണ്ടെ​ങ്കിലും ഉ​പ​യോഗശൂന്യമാണ്. വെ​ള്ള​മില്ലാത്തതിനാൽ വൃ​ത്തി​ഹീ​ന​മായി കിടക്കുകയാണ്. കൃ​ത്യ​മാ​യ മേൽ​നോ​ട്ടം ഇല്ലാ​ത്ത​തി​നാൽ സ്‌​റ്റേ​ഡി​യ​ത്തി​നുൾവ​ശം പൊ​ടി നി​റ​ഞ്ഞ് പ്രാ​വു​കളടക്കം കൂടുകൂട്ടിയിരിക്കുകയാണ്.

എല്ലാമുണ്ട്, തിരിഞ്ഞുനോക്കാനാളില്ല

ബാ​ഡ്​മിന്റൺ കോർട്ട്, ബാ​സ്​കറ്റ്‌​ ബാൾ കോർ​ട്ട്, വലി​യ ഗാല​റി, പാ​ർ​ക്കിം​ഗ് സൗ​കര്യം തുട​ങ്ങി നി​രവ​ധി കായി​ക ഇന​ങ്ങൾ പ​രി​ശീ​ലി​ക്കു​ന്ന​തിനും മ​ത്സര​ങ്ങൾ സം​ഘ​ടി​പ്പി​ക്കു​ന്ന​തി​നും സ്‌​റ്റേ​ഡി​യത്തിൽ സൗ​ക​ര്യ​ങ്ങളുണ്ട്. കായി​ക താ​ര​ങ്ങൾ​ക്ക് ആൺ​കു​ട്ടി​കൾ​ക്കും പെൺ​കു​ട്ടി​കൾ​ക്കും ഡ്ര​സിം​ഗ് റൂം, ബാ​ത്ത് റൂം എന്നിവയുണ്ട്. ന​ഗ​ര​സ​ഭ​യു​ടെ വ​രുമാ​ന മാ​ർ​ഗ​ങ്ങ​ളി​ലൊ​ന്നാ​ണ് സ്‌​റ്റേ​ഡി​യം. പ്ര​ദർ​ശ​നങ്ങൾ, മ​റ്റ് പ​രി​പാ​ടി​കൾ തു​ട​ങ്ങി​യ​വയും ഇ​വി​ടെ സം​ഘ​ടി​പ്പി​ക്കാ​റു​ണ്ട്.

ചെലവഴിച്ചത് : 23 കോടി



കെ​ട്ടി​ട​ത്തി​ലെ ശോ​ച്യാ​വ​സ്ഥ ചൂ​ണ്ടി​ക്കാ​ട്ടി നി​രവ​ധി തവ​ണ അ​ധി​കൃ​തർക്ക് പ​രാ​തി നൽ​കി​യെ​ങ്കിലും നാ​ളി​തുവ​രെ ന​ട​പ​ടി​യില്ല. കായികതാരങ്ങളോട് കാണിക്കുന്ന കടുത്ത അവഗണനയാണിത്.

കായികതാരങ്ങൾ