കോട്ടയം: ചു​റ്റു​പാ​ടു​ക​ളിൽ നിന്നും ശേ​ഖ​രി​ച്ച പാ​ഴ് വ​സ്​തു​ക്ക​ളുപയോഗിച്ച് മനോഹരമായ പുൽക്കൂട് നിർമിച്ച് പാമ്പാടി വെള്ളൂർ സെന്റ് തോമസ് യാക്കോബായ സുറിയാനി പള്ളി യൂത്ത് അസ്സോസിയേഷൻ.

മാനവരാശിയുടെ രക്ഷയ്ക്കായി പിറന്ന യേശുദേവന്റെ ജനനത്തെ അനുസ്മരിപ്പിച്ച് പള്ളിയങ്കണത്തിൽ തീർത്ത മനോഹരമായ പുൽക്കൂട് കാഴ്ച്ചകാർക്ക് വിസ്മയം ആയിരിക്കുകയാ​ണ്. കാർഡ് ബോർഡ്, കച്ചി, മണ്ണ്, ചിരട്ട, കരി, ഉണക്ക കമ്പുകൾ, അറക്കപൊടി എന്നിവ ഉപയോ​ഗി​ച്ചാ​ണ് നിർ​മ്മാ​ണം.
യൂത്ത് അസോസിയേഷന്റെ സജീവ പ്രവർത്തകനായ കെ.ആർ രാഹുലിന്റെ നേതൃത്വത്തിൽ 5 ദിവസം കൊണ്ടാണ് നിർമ്മാണം ന​ട​ത്തി​യ​ത്.