പെനാപ്പിൾ വില കുത്തനേയിടിഞ്ഞു

കോട്ട​യം: പൈ​നാ​പ്പിൾ കർ​ഷക​രെ പ്രതിന്ധിയിലാക്കി, കു​തി​ച്ചു​യർ​​ന്ന വി​ല പൊ​ടുന്ന​നെ താ​ഴ്​ന്നു. ഒരു മാസം മുമ്പ് കർഷകർ വിൽക്കുമ്പോൾ 42 രൂപ വരെ ലഭിച്ചിരുന്നുവെങ്കിൽ ഇപ്പോൾ ലഭിക്കുന്നത് 16മുതൽ 20 രൂ​പ​വരെ മാത്രം. വില കൂടിയ ദീപാവലി നാളുകൾ കോട്ടയം മാർക്കറ്റിൽ ഉൾപ്പെടെ പൈനാപ്പിൾ 100 രൂ​പ​യ്ക്ക് വിറ്റിരുന്നു. ഇപ്പോൾ, 100 രൂപ​യ്​ക്ക് മൂന്നു കിലോ ലഭി​ക്കു​ന്ന സ്ഥി​തി​യായി.

ഉത്ത​രേന്ത്യൻ സം​സ്ഥാ​ന​ങ്ങളിൽ തണുപ്പ് തുടങ്ങി​യ​താണ് വില കുറയാൻ കാര​ണ​മെ​ന്നാണ് വ്യാപാരികൾ പ​റ​യു​ന്നത്. ഉത്പാദനം വർദ്ധിച്ചതും വിലക്കുറവി​ലേക്ക് നയിച്ചു. സമീപകാലത്തെ ഏറ്റവും ഉയർന്ന വിലയാണ് കഴിഞ്ഞ മാസം കർഷ​കർക്ക് ലഭിച്ചത്. എ ഗ്രേഡ് പൈനാപ്പി​ളിന് 42 രൂപയാണ് ലഭിച്ചത്. കുറഞ്ഞ ഗ്രേഡുകൾ​ക്കും വില ലഭിച്ചിരുന്നു. ഇ​പ്പോൾ,ഏറ്റവും താഴ്ന്ന ഗ്രേഡിന്റെ വില 3 രൂപയായതായി കർഷകർ പറയു​ന്നു.

കാ​ലാ​വ​സ്ഥ അനു​യോ​ജ്യ​മാ​യെ​ങ്കിലും
വിപ​ണി ഇ​ടിഞ്ഞു

ഇടവിട്ടു മഴയും വെയിലും ലഭിച്ചതോടെ, മികച്ച ഉത്പാദനമാ​ണ് ഇ​ത്തവണ ലഭിച്ചത്. നവംബറിൽ വില റെക്കാഡിലേക്ക് ഉയരുകയും ചെയ്തതോടെ കർഷകരുടെ പ്ര​തീ​ക്ഷയും വർ​ദ്ധി​ച്ചു. എന്നാൽ, ഉയർന്ന അതേ വേഗത്തിൽ വില കുറഞ്ഞതാണ് തിരിച്ചടിയായത്. മുൻ കാലങ്ങളിലും വില കുറഞ്ഞിരുന്നുവെങ്കിലും അൽപ്പം കൂടി വൈകിയിരുന്നു. കഴിഞ്ഞ ഫെബ്രുവരി, മാർച്ച് മാസങ്ങളിൽ കൃഷി ആരംഭിച്ച തോട്ടങ്ങളെല്ലാം വിളവെടു​പ്പിന് സജ്ജമായിരുന്നു. ഇത്തരം തോട്ടങ്ങൾ ഉള്ളവരാണ് ഏറെ പ്രതിസന്ധിയിലായത്. നവംബറിൽ വില ഉയർന്നതോടെ, നിരവധി പേർ പൈനാപ്പിൾ കൃഷി ആരംഭിക്കാൻ തീരുമാനിച്ചിരു​ന്നു. റ​ബ​ർ മേ​ഖ​ല ത​കർ​ച്ച നേ​രി​ട്ട​തോടെ, നി​ര​ധി ക​ർ​ഷ​ക​രാ​ണ് പൈ​നാപ്പിൾ കൃ​ഷി ഉൾ​പ്പെ​ടെ മ​റ്റ് കൃ​ഷി​ക​ളി​ലേ​ക്ക് തി​രി​ഞ്ഞ​ത്. കോട്ടയം, വൈക്കം താലൂക്കുകളിലായി അഞ്ഞൂറോളം പൈനാപ്പിൾ കർഷകരുണ്ട്.

വരും ദിവസ​ങ്ങ​ളിൽ വില വീണ്ടും താഴുമെന്ന സൂചനയാണ് വിപണിയിൽ നിന്നു ലഭിക്കു​ന്ന​ത്.

എ​ബി ഐ​പ്പ് കർ​ഷക കോൺ​ഗ്ര​സ് ജില്ലാ സെ​ക്ര​ട്ട​റി).