ച​ങ്ങ​നാശേരി:ച​ങ്ങ​നാശേരി നിയോജക മണ്ഡലത്തിലെ നവകേരള സ​ദ​സ് വിജയമാക്കുന്നതിന് സഹകരിച്ച ജനങ്ങളെയും സ്‌പോൺസർമാരെയും ക്ഷണിതാക്കളെയും താലൂക്ക് ഓഫീസ് കോൺഫറൻസ് ഹാളിൽ ചേർന്ന നിയോജകമണ്ഡലം സംഘാടകസമിതി യോഗം അഭിനന്ദിച്ചു.
4626 പരാ​തി​ക​ളാണ് ല​ഭി​ച്ചത്. എൽ.ആർ തഹസിൽദാർ പരാതികൾ ബന്ധപ്പെട്ട വകുപ്പുകൾക്ക് കൈമാ​റും. ജില്ലാ തലത്തിൽ തീർപ്പാക്കാവുന്ന പരാതികൾ ജനുവരി 12 നുള്ളിൽ തീർപ്പാക്കി പരാതിക്കാർക്ക് മറുപടി നൽകും. ബാക്കിയുള്ള പരാതികൾ സമയബന്ധിതമായി തീർപ്പാക്കും.
നവകേരള സദസിന്റെ നടത്തിപ്പുമായി ബന്ധപ്പെട്ട് എസ്.ബി കോളേജ് മൈതാനത്തിനുണ്ടായ കേടുപാടുകൾ അടിയന്തിരമായി പരിഹരിക്കാനും യോഗം തീരുമാനി​ച്ചു. അഡ്വ. ജോബ് മൈക്കിൾ എം.എൽ.എ അദ്ധ്യക്ഷത വഹിച്ചു. മുൻസിപ്പൽ ചെയർപേഴ്സൺ ബീനാ ജോബി, വൈസ്ചെയർമാൻ മാത്യൂസ് ജോർജ്, എ.വി റസൽ, ഡെപ്യൂട്ടി കളക്ടർ സോളി ആന്റണി, തഹസിൽദാർ ടി.ഐ വിജയസേനൻ, പഞ്ചായത്ത് പ്ര​സിഡന്റുമാരായ മണിയമ്മ രാജപ്പൻ, സുജാത സുശീ​ലൻ, കെ.ഡി സുഗതൻ, പി.എ നിസാർ,അഡ്വ.കെ.മാധവൻപിള്ള, ലാലിച്ചൻ കുന്നിപ്പറമ്പിൽ,കുര്യൻ തൂമ്പുങ്കൽ, അഡ്വ.പി.എ നസീർ, ലിനു ജോബ്, ബാബു തോമസ്, പി.ആർ ഗോപാലകൃഷ്ണ​പിള്ള, കെ.രഞ്ജിത്ത്, സജി ആലുംമ്മൂട്ടിൽ എന്നി​വർ പ​ങ്കെ​ടു​ത്തു.