കോട്ടയം: ഇൻഫർമേഷൻ കേരള തയ്യാറാക്കിയ കെ.സ്മാർട്ട് സോഫ്റ്റ് വെയർ നഗരസഭയിൽ വിന്യസിപ്പിച്ച് നഗരസഭയുടെ ഭരണസംവിധാനം ജനുവരി 1 മുതൽ ഡിജിറ്റിലൈസ് ചെയ്യും. നഗരസഭയിൽ നിന്നും ലഭിക്കുന്ന വിവിധ സേവനങ്ങൾക്കായി പൊതുജനങ്ങൾക്ക് നഗരസഭയിൽ നേരിട്ട് വരാതെ പൂർണ്ണമായും ഓൺലൈൻ വഴി സേവനം ലഭ്യമാക്കുന്ന സംവിധാനമാണ് കെ.സ്മാർട്ട്. ഇതിന്റെ ഭാഗമായി ഡാറ്റാ പോർട്ടിംഗ് പൂർത്തീകരിക്കുന്നതിനായി നഗരസഭയിൽ നിന്നും ലഭിക്കുന്ന വിവിധ സേവനങ്ങൾ (ജനന,മരണ,വിവാഹ രജിസ്‌ട്രേഷൻ,വസ്തുനികുതി, കെട്ടിട നിർമ്മാണ പെർമിറ്റ്, പൊതജനപരാതി പരിഹാരം, വ്യാപാരലൈസൻസ്, അപേക്ഷകൾ, ബില്ലുകൾ മുതലായവ) ഇന്ന് മുതൽ 5 ദിവസത്തേയ്്ക്ക് തടസ്സപ്പെടും.