കോട്ടയം:അതിദാരിദ്ര്യ നിർമാർജന പദ്ധതിയായ ഇ.പി.ഐ.പി യുടെ ഭാഗമായി വിദ്യാർത്ഥികൾക്ക് സൗജന്യ യാത്രപാസ് നൽകുന്നതിന്റെ ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡന്റ് കെ.വി ബിന്ദു നിർവഹി​ച്ചു. ഏറ്റുമാനൂർ നിയോജമണ്ഡലത്തിലെ നീണ്ടൂർ, ആർപ്പൂക്കര, തിരുവാർപ്പ് ഗ്രാമപഞ്ചായത്തുകളിലെ അതിദരിദ്ര പട്ടികയിൽ ഉൾപ്പെട്ട ആറ് വിദ്യാർത്ഥികൾക്കാണ് സൗജന്യ യാത്രാ പാ​സ് വിതരണം ചെയ്തത്. ബാക്കിയുള്ള 32 വിദ്യാർത്ഥികൾക്ക് അതത് പഞ്ചായത്ത്തലത്തിൽ യാത്ര പാസ് വിതരണം ചെ​യ്യും.പഞ്ചായത്ത് പ്രസിഡന്റ് അസോസിയേഷൻ പ്രസിഡന്റ് അജയൻ കെ. മേനോൻ, നീണ്ടൂർ ഗ്രാമപഞ്ചായത്ത് വൈസ് പ്രസിഡന്റ് ആലീസ് ജോസഫ്, ദാരിദ്ര്യ ലഘൂകരണ വിഭാഗം പ്രോജക്ട് ഡയറക്ടർ ബെവിൻ ജോൺ, വിദ്യാർത്ഥികൾ, രക്ഷിതാക്കൾ എന്നിവർ പങ്കെടുത്തു.