കോട്ടയം : പട്ടികജാതി പട്ടികവർഗ വിഭാഗങ്ങളിലെ അഭ്യസ്തവിദ്യരായ തൊഴിലന്വേഷകർക്കായി നടത്തുന്ന ഉന്നതി വിജ്ഞാന തൊഴിൽ പദ്ധതിയുടെ ഭാഗമായി പ്രൊമോട്ടർമാർക്ക് പരിശീലന പരിപാടി സംഘടിപ്പിച്ചു. ജില്ലാ പട്ടികജാതി വികസന ഓഫീസർ എം.എസ് സുനിൽ അദ്ധ്യക്ഷത വഹിച്ചു. നോളജ് ഇക്കോണമി മിഷനും പട്ടികജാതി പട്ടിക വർഗ വികസന വകുപ്പിനു കീഴിലെ ഉന്നതി കേരള എംപവർമെന്റ് സൊസൈറ്റിയുമായി ചേർന്നാണ് ഉന്നതി തൊഴിൽ പദ്ധതി നടപ്പിലാക്കുന്നത്. കുടുംബശ്രീ അസിസ്റ്റന്റ് ജില്ലാ മിഷൻ കോർഡിനേറ്റർ ബി.പ്രകാശ്‌നായർ, കേരള നോളജ് ഇക്കോണമി മിഷൻ പ്രോഗ്രാം മാനേജർ കെ.ജി പ്രീത എന്നിവർ പങ്കെടുത്തു.