കോട്ട​യം: സം​ര​ക്ഷ​ണ ഭി​ത്തി​യില്ലാ​ത്ത പാ​റ​മ​ടക്കു​ളം യാ​ത്ര​ക്കാർ​ക്ക് കെ​ണി​യാ​കുന്നു. കാ​ണ​ക്കാ​രി കു​ളത്തൂർ റോഡിൽ പഞ്ഞിമു​ക്ക് വള​വിൽ സ്ഥി​തി ചെ​യ്യു​ന്ന കു​ളത്തൂർ പാ​റ​മ​ട​ക്കു​ള​മാ​ണ് ഭീ​ഷ​ണി​യാ​കു​ന്നത്. റോ​ഡി​നോ​ട് ചേർ​ന്ന് സ്ഥി​തി ചെ​യ്യു​ന്ന കു​ള​ത്തി​ന് വേ​ണ്ട​ സംര​ക്ഷ​ണ ഭി​ത്തി ഇല്ലാ​ത്ത​താ​ണ് അ​പ​ക​ട​ത്തി​ന് ഇ​ട​യാ​ക്കു​ന്ന​ത്. ആൾ സ​ഞ്ചാ​രം കുറ​ഞ്ഞ ​റോ​ഡാ​ണി​ത്. പാറ​മ​ട സ്ഥി​തി​ചെ​യ്യുന്ന​ത് യാ​ത്ര​ക്കാ​രു​ടെ ശ്ര​ദ്ധ​യിൽ​പ്പെ​ടാ​റു​മില്ല. അപ​ക​ട സൂ​ച​ന​കളും മു​ന്ന​റി​യി​പ്പ് ബോർ​ഡു​ക​ളും ഇ​വി​ടെ സ്ഥാ​പി​ച്ചി​ട്ടില്ല. കുളത്തിന് ചുറ്റും കാടും പടർപ്പും നിറഞ്ഞ നിലയിലാണ്.

വ്യാ​ഴാ​ഴ്​ച്ച രാ​ത്രി ഇ​തു​വ​ഴി​യെത്തി​യ കാർ​ നി​യ​ന്ത്ര​ണം വി​ട്ട് കു​ള​ത്തി​ലേ​ക്ക് മ​റി​ഞ്ഞ് ഒ​രു യു​വാ​വി​ന്റെ ജീ​വൻ പൊ​ലി​ഞ്ഞു.

സം​ര​ക്ഷ​ണ​ഭി​ത്തി നിർ​മ്മി​ക്ക​ണ​മെ​ന്ന ആ​വ​ശ്യ​ത്തി​ന് വർ​ഷ​ങ്ങ​ളു​ടെ പ​ഴ​ക്ക​മു​ണ്ട്. എ​ന്നാൽ, നാ​ളി​തുവ​രെ കു​ള​ത്തി​ന് ചുറ്റും സം​ര​ക്ഷ​ണ​വേലിയോ മ​റ്റ് സു​ര​ക്ഷാ സം​വി​ധാന​ങ്ങളോ ഒ​രു​ക്കി​യി​ട്ടില്ല. റോഡിലെ വളവും റോഡ് സൈഡിലെ സുരക്ഷാ മാനദണ്ഡങ്ങൾ ഇല്ലാ​ത്ത​തു​മാ​ണ് അ​പ​ക​ട​ത്തി​ന് ഇ​ട​യാ​ക്കി​യത്. ഇത് സംബന്ധിച്ച് നാട്ടുകാർ പല പരാതികളും ഉന്നയിച്ചിട്ടുമുണ്ടായിരുന്നു. അടിയന്തിരമായി ഈ കാര്യത്തിൽ നടപടി സ്വീകരിക്കണമെന്ന് പി.ഡബ്ല്യു.ഡി അ​ധി​കൃ​ത​രോ​ട് ആ​വ​ശ്യ​പ്പെ​ട്ടു.

ആ​ദ്യ​മാ​യാ​ണ് ഇ​വി​ടെ ഇ​ത്ത​ര​ത്തി​ലൊ​രു അ​പ​ക​ട​ത്തിൽ ജീ​വൻ പൊ​ലി​ഞ്ഞ​ത്. സം​ര​ക്ഷ​ണ​വേ​ലി നിർ​മ്മി​ച്ച് തു​ടർ അ​പ​കട​ങ്ങൾ ഒ​ഴി​വാ​ക്കു​ന്ന​തി​ന് വേ​ണ്ട ന​ടപ​ടി സ്വീ​ക​രി​ക്ക​ണം. (കാണക്കാരി അരവിന്ദാക്ഷൻ ,
കാണക്കാരി ഗ്രാമപഞ്ചായത്ത് സ്റ്റാൻഡിംഗ് കമ്മറ്റി ചെയർമാൻ)