കോട്ടയം: ജീവിതസായാഹ്നത്തിൽ ഒറ്റപ്പെട്ടു പോകുന്നവർക്ക് കരുതൽ നൽകാൻ സമൂഹത്തിന് കടമയുണ്ടെന്ന് തിരുവഞ്ചൂർ രാധാകൃഷ്ണൻ എം.എൽ.എ. സ്‌നേഹക്കൂട് അഭയമന്ദിരത്തിന്റെ ഒൻപതാമത് വാർഷികവും സ്‌നേഹസംഗമവും ഉദ്ഘാടനം ചെയ്യുകയായിരുന്നു അദ്ദേഹം. ഡയറക്ടർ നിഷ സ്‌നേഹക്കൂട് അദ്ധ്യക്ഷത വഹിച്ചു. മുനിസിപ്പൽ കൗൺസിലർ ഡോ.പി.ആർ സോന, തേർഡ് ഐ ന്യൂസ് സി.ഇ.ഒ ശ്രീകുമാർ, അഡ്വ.സജയൻ ജേക്കബ്, സാംജി പഴേപറമ്പിൽ, അന്ന മിറിയം ജേക്കബ്, പ്രസന്നൻ ആറാട്ടുപുഴ, അനുരാജ് ബി.കെ, എബി ജെ. ജോസ്, ദിലീപ്, പ്രസന്നൻ ആറാട്ടുപുഴ, അനിൽ ഗോപിനാഥൻനായർ എന്നിവർ പങ്കെടുത്തു. വിവിധ മേഖലകളിൽ മികച്ച സേവനം കാഴ്ചവച്ച ഡോ.മേരി അനിത, ഡോ.വിനോദ് വിശ്വനാഥൻ, ഡോ. ജീവൻ ജോസഫ്, ജോബിൻ എസ്.കൊട്ടാരം, ദിച്ചു ദിലീപ് എന്നിവർക്ക് തിരുവഞ്ചൂർ രാധാകൃഷ്ണൻ എം.എൽ.എ പുരസ്‌കാരങ്ങൾ സമ്മാനിച്ചു.