കോട്ടയം: നവ കേരള സദസ് യാത്രയിലുടനീളം പ്രതിഷേധിച്ചവരെ തല്ലി​ച്ച​ത​ച്ച പൊലീസ് ഉദ്യോഗസ്ഥർക്ക് ഗുഡ് സർവീസ് എൻട്രി പ്രഖ്യാപിച്ച പിണറായി സർക്കാർ ജനങ്ങളെ വെല്ലുവിളിക്കുകയാണെന്ന് തിരുവഞ്ചൂർ രാധാകൃഷ്​ണൻ എം.എൽ.എ പ​റ​ഞ്ഞു. കേരള മുനിസിപ്പൽ ആൻഡ് കോർപ്പറേഷൻ സ്റ്റാഫ് അസോസിയേഷൻ കോട്ടയം ജില്ലാ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കോട്ടയം ബാങ്ക് എംപ്ലോയീസ് ഹാ​ളിൽ നടന്ന ജില്ലാ സമ്മേളനത്തിൽ യു.ഡി.എഫ് ജില്ലാ ചെയർമാൻ ഫിൽസൺ മാത്യൂസ് മുഖ്യ പ്രഭാഷണം നടത്തി. അസോസിയേഷൻ സംസ്ഥാന പ്രസിഡന്റ് പി.ഐ ജേക്കബ്സൺ, സംസ്ഥാന വനിതാ ചെയർപേഴ്സൺ ടി.എ തങ്കം, എൻ.ജി.ഒ അസോസിയേഷൻ ജില്ലാ പ്രസിഡന്റ് സതീഷ് ജോർജ്, കൗൺസിലർമാരാ​യ എം.പി സന്തോഷ് കുമാർ, ബിന്ദു സന്തോഷ് കുമാർ, ഡോ.പി.ആർ സോന, സാബു മാ​ത്യു, മോളികുട്ടി സെബാസ്റ്റ്യൻ, ജൂലിയസ് ചാക്കോ എന്നി​വർ പ​ങ്കെ​ടുത്തു. അസോസിയേഷൻ ജില്ലാ പ്ര​സിഡന്റാ​യി ടി.പ്രകാ​ശ്, സെക്രട്ടറിയാ​യി സി.കാളിദാസ് എന്നിവരെ തിരഞ്ഞെടുത്തു.