കോട്ട​യം: പു​തു​വർഷ​ത്തെ വ​ര​വേൽ​ക്കാൻ ഒ​രു​ങ്ങി വ​ട​വാ​തൂ​രും. പാപ്പാഞ്ഞിയെ കത്തിക്കുന്നത് കാണാൻ കൊച്ചിയിൽ പോകാൻ കഴിയാത്ത​വർ​ക്കായി കോട്ടയംകാരുടെ പാ​പ്പാ​ഞ്ഞി​യും. വിജയപുരം പഞ്ചായത്തിന്റെ നേതൃത്വത്തിൽ നടത്തുന്ന കോട്ടയം കാർണിവലിലാ​ണ് 40 അടി ഉയരമുള്ള പാപ്പാഞ്ഞി മീനന്തറയാറിന്റെ തീരത്ത് പുതുവർഷത്തെ വരവേൽക്കാൻ ആകാശംമുട്ടെ ഉയർന്നുനിൽക്കുന്നത്.
മീനന്തറയാറിന്റെ തീരത്ത് വടവാതൂർ മോസ്‌​കോ ബണ്ട് റോഡിൽ തണലോരത്തിലാണ് കാർണിവൽ മെഗാ ഇവന്റ് സംഘടിപ്പിച്ചിരിക്കുന്ന​ത്. ആർ​ട്ടി​സ്റ്റ് ബി​ജു ആ​ണ് നിർ​മ്മാ​ണ​ത്തിന് ചുക്കാൻ പി​ടി​ച്ച​ത്. പഞ്ചായത്തിലെ ഒരു പറ്റം യു​വാ​ക്കളും പാ​പ്പാഞ്ഞി നിർമ്മാണത്തിന് പി​ന്നി​ലുണ്ട്. ഇരുമ്പ് പൈപ്പ് ഉപയോഗിച്ച് വെൽഡ് ചെയ്താണ് നിർമ്മാ​ണം. ഒ​ന്നേകാൽ ലക്ഷത്തോളം രൂപ ചിലവഴിച്ചു. മുൻവർഷങ്ങളിൽ 20, 30 അടി ഉയരമുള്ള പാപ്പാഞ്ഞിയെയാണ് നിർമ്മിച്ചിരുന്ന​ത്. പഞ്ചായ​ത്തിന്റെ സഹകരണത്തോടെയാണ് കാർ​ണി​വൽ സം​ഘ​ടി​പ്പി​ച്ചി​രി​ക്കു​ന്നത്. പാപ്പാഞ്ഞിയെ കാണുന്നതിനും ചിത്രങ്ങൾ പകർത്തുന്നതിനുമായി നിരവധി പേരാണ് ഇവിടെയെത്തു​ന്നത്. ഇവന്റിനോട് അനുബന്ധി​ച്ച് വൈ​കി​ട്ട് എ​ട്ടി​ന് ഡി.ജെ, ഗാന​മേ​ള, ക​രി​മ​രു​ന്ന് പ്ര​യോ​ഗം ​എ​ന്നി​വയും ഉ​ണ്ടാ​കും. പ്രദേശവാസികളുടെ വിവിധ കലാപരിപാടികളും പ്രത്യേകം നിർമ്മിച്ച വേദിയിൽ അരങ്ങേറും. സായാഹ്ന വഴിയോര വിശ്രമകേന്ദ്രമായ തണലോര​ത്ത് കു​ടും​ബശ്രീ ഫുഡ് സ്റ്റാളുകളും ഒരുക്കിയിട്ടു​ണ്ട്. വിജയപുരം പഞ്ചായത്ത് പ്രസിഡന്റ് വി.ടി സോമൻ​കുട്ടി നേതൃത്വം നൽ​കുന്നു.