തൃക്കൊടി​ത്താനം: വീടിന് സമീപത്തിരുന്ന് കഞ്ചാവ് വലിച്ചത് ചോദ്യം ചെയ്ത യുവാവിനെയും സുഹൃത്തിനെയും ആക്ര​മിച്ച അഞ്ച് പേർ അ​റസ്റ്റിൽ. തൃക്കൊടിത്താനം മണികണ്ഠ​വയൽ വിഷ്ണു (19), മണികണ്ഠ​വയൽ പൂവത്തി​ങ്കൽ വി​ഷ്ണു (21), മണികണ്ഠവയൽ കാനുപ​റമ്പിൽ അൻസാജ് (21), മണികണ്ഠ​വയൽ പുതുപ്പ​റമ്പിൽ വിനീ​ത് (21), മണികണ്ഠവയൽ കൊട്ടാരപ്പ​റമ്പ് സന്ദീപ് (25) എന്നിവരെയാണ് തൃക്കൊടിത്താ​നം പൊലീസ് അറസ്റ്റ് ചെയ്ത​ത്. മണികണ്ഠവയൽ സാംസ്‌കാരിക നിലയം സ്വദേശിയായ യുവാവിനെയും സുഹൃത്തിനെയും ഇവർ സഞ്ചരിച്ചിരുന്ന സ്‌കൂട്ടർ തടഞ്ഞുനിർത്തി ഇരുമ്പ് പൈപ്പ് കൊണ്ടും മറ്റും സംഘം ചേർന്ന് ആക്രമിച്ച് കൊലപ്പെടുത്താൻ ശ്രമിക്കുകയായിരുന്നു. യുവാവിന്റെ വീടിന് സ​മീപത്തെ പറമ്പിൽ ഇരുന്ന് ഇവർ കഞ്ചാവ് വലിച്ചിരുന്നത് യുവാവ് ചോദ്യം ചെ​യ്​തി​രുന്നു. ഇ​തേ തു​ടർ​ന്നുണ്ടാ​യ വി​രോ​ധ​മാ​ണ് ആ​ക്ര​മ​ണ​കാ​രണം. പരാതിയെ തുടർന്ന് തൃക്കൊടിത്താ​നം പൊലീസ് കേ​സെ​ടു​ത്ത് ന​ടത്തിയ തിരച്ചിലിനൊടുവിൽ ഒളിവിൽ കഴിഞ്ഞിരുന്ന ഇവരെ മൈസൂരിൽ നിന്നും പിടി​കൂടി. തൃക്കൊടിത്താനം സ്റ്റേഷൻ എസ്.ഐ അഖിൽദേവ്, സി.പി.ഒമാരായ അരുൺ, അനീഷ്, സെൽവരാജ്, നിയാസ് എന്നിവരും അന്വേഷണ സംഘത്തിൽ ഉണ്ടായിരുന്നു. കോടതിയിൽ ഹാജരാക്കിയ ഇവരിൽ നാലു പേരെ കോടതി റിമാൻഡ് ചെയ്യുകയും, വിഷ്ണുവിനെ (19) ബോസ്റ്റൺ സ്‌കൂളിലേക്ക് അയക്കുകയും ചെയ്തു.