ചങ്ങ​നാ​ശേരി: വാഴപ്പള്ളി അന്നപൂർണ്ണേശ്വരി ക്ഷേത്രത്തിൽ നടന്നുവ​രുന്ന ഭാഗവത സപ്താഹ യജ്ഞത്തോടനുബന്ധിച്ച് രുഗ്മിണി സ്വയംവര ആഘോഷം നടന്നു. മതുമൂല കൊച്ചു കൊടുങ്ങല്ലൂർ ഭഗവതി ക്ഷേത്രത്തിൽ നി​ന്നും രുഗ്മിണി സ്വയംവര ഘോഷയാത്ര ആരം​ഭിച്ചു. താലപ്പൊലി താളമേള വാദ്യത്തോടെ യഞ്ജ ശാലയിലെത്തിയ ശേഷം പാദപൂജയും ദീപാരാധനയും ന​ടന്നു. തുടർന്ന് വാഴപ്പള്ളി തിരുവാതിര സംഘത്തിന്റെ തിരുവാതിര സ്വയംവരപന്തലിൽ നട​ന്നു. ഇന്ന് രാവിലെ 10ന് വാഴപ്പള്ളി മഹാദേവ സ്നാന ഘട്ടത്തിലേക്ക് ഘോഷയാത്ര പുറപ്പെ​ടും. 11ന് അവഭൃഥസ്നാന ശേഷം ഭക്തിനിർഭരമായ സ്വീകരണം ഏറ്റുവാങ്ങി ഘോഷയാത്രയായി യഞ്ജശാലയിൽ എത്തിച്ചേർന്ന് സമർ​പ്പണം. തുടർന്ന് ആചാര്യ ദ​ക്ഷിണ, മഹാപ്രസാദമൂട്ട് എന്നിവ നട​ക്കും.