വാഴൂർ: വാഴൂർ പഞ്ചായത്തിന്റെ ആഭിമുഖ്യത്തിൽ നടന്നു വന്ന നക്ഷത്ര ജലോത്സവത്തിന് മത്സര വള്ളംകളിയോടെ സമാപനം. വാഴൂർ ശാസ്താംകാവിലെ വലിയ തോട്ടിലാണ് വള്ളംകളി നടന്നത്. പുരുഷന്മാർ, വനിതകൾ, കുട്ടികൾ എന്നീ വിഭാഗങ്ങളിലാണ് മത്സരം നടന്നത്. ഇടയൻ വള്ളമാണ് ഒന്നാം സ്ഥാനം കരസ്ഥമാക്കിയ​ത്. വള്ളംകളി മത്സരത്തിന്റെ ഫ്ളാഗ് ഓഫ് തദ്ദേശ വകുപ്പ് ജോയിന്റ്​ ഡയറക്ടർ ബിനു ജോൺ നിർവഹിച്ചു. സമാപന സമ്മേളനം ഗവ.ചീഫ് വിപ്പ് ഡോ. എൻ. ജയരാജ് ഉദ്ഘാടനം ചെയ്തു. പഞ്ചായത്ത് പ്രസിഡന്റ് വി.പി. റെജി, മുകേഷ് കെ. മണി, ടി.എൻ. ഗിരീഷ് കുമാർ തുടങ്ങിയവർ പങ്കെടുത്തു.