അ​യർ​ക്കുന്നം: പൊ​ടി​യും കു​ഴി​യും നി​റ​ഞ്ഞൊ​രു റോ​ഡ്. അ​യർ​ക്കു​ന്നം പ​ഞ്ചാ​യ​ത്തി​ലെ അ​മ​യന്നൂർ മെ​ത്രാ​ഞ്ചേ​രി റോ​ഡിന്റെ നേർചിത്രം പിന്നെ വ്യക്തമാണ്. യാത്രക്കാരുടെ ദുരിതം എത്രയെന്ന് ആർക്കും ഊഹിക്കാം. അ​മ​യ​ന്നൂർ കവ​ല, അ​യർ​ക്കു​ന്നം എ​ന്നി​വി​ട​ങ്ങ​ളി​ലേ​ക്ക് എ​ത്തു​ന്ന​തിന് നി​രവ​ധി പേ​രാണ് ഈ റോ​ഡി​നെ ആ​ശ്ര​യിക്കു​ന്ന​ത്. പ്രമുഖ സ്ഥാ​പ​ന​ങ്ങൾ, ആ​രാ​ധ​നാ​ലയ​ങ്ങൾ എന്നിവിടങ്ങളിലേക്കുള്ള പ്രദാന പാതയാണ് ത​കർ​ന്നുത​രി​പ്പ​ണ​മായത്.
വർ​ഷ​ങ്ങ​ൾ​ക്ക് മുൻ​പ് ടാർ ചെയ്ത റോ​ഡാ​ണിത്. റോ​ഡി​ന്റെ പ​ല​ഭാ​ഗ​ത്തും വ​ലുതും ചെ​റു​തുമാ​യ കു​ഴി​കൾ രൂപപ്പെട്ടു. ടാ​റിം​ഗ് ഇള​കി മണ്ണും ച​രലും നി​റ​ഞ്ഞു. മ​ഴ​യിൽ റോഡിൽ വെ​ള്ള​ക്കെട്ടും ചെ​ളിയും നി​റ​യും. വേ​നൽ​ക്കാ​ല​മാ​യ​തി​നാൽ, പൊ​ടി​ശല്യം രൂ​ക്ഷ​മാ​ണ്. വാ​ഹന​ങ്ങൾ ക​ടന്നു​പോ​കു​മ്പോൾ പൊ​ടി ഉ​യ​രുന്ന​ത് കാൽ​ന​ട​യാ​ത്ര​ക്കാർക്കും റോഡി​നോ​ട് ചേർ​ന്ന സ്ഥി​തി ചെ​യ്യു​ന്ന വീടു​കൾ​ക്കു​മാ​ണ് ദു​രി​തം സൃ​ഷ്ടി​ക്കു​ന്ന​ത്. ഇ​രു​ച​ക്ര​വാ​ഹന​ങ്ങൾ അ​പ​ക​ട​ത്തിൽ​പ്പെ​ടു​ന്നതും പ​തി​വാണ്. വഴിവിളക്കുകൾ തെളിയാത്തതിനാൽ രാത്രികാലങ്ങളിൽ റോഡ് പരിചയമില്ലാതെ എത്തുന്നവർ അപകടത്തിൽപ്പെടുന്നതിനും ഇടയാക്കുന്നു.

പലതും നാശത്തിന്റെ വക്കിൽ

പ​ഞ്ചാ​യ​ത്തി​ലെ നി​രവ​ധി ഇ​ട​റോ​ഡു​കൾ നാ​ശ​ത്തി​ന്റെ വ​ക്കി​ലാണ്. പ​ല ഇ​ട​റോ​ഡു​ക​ളിലും കല്ലും വ​ലി​യ ഉ​രു​ളൻ ക​ല്ലു​കളും നി​റ​ഞ്ഞ നി​ല​യി​ലാ​ണ്. റോ​ഡി​ലെ കു​ഴി​കൾ അ​ടച്ചും അ​റ്റ​കു​റ്റ​പ്പ​ണി​കൾ ന​ട​ത്തിയും റോ​ഡ് സ​ഞ്ചാ​ര​യോ​ഗ്യ​മാ​ക്ക​ണ​മെ​ന്ന നാ​ട്ടു​കാ​രു​ടെ ആ​വശ്യം ശ​ക്ത​മാ​കു​ന്നു.