നെയ്റോബി : ലോകത്തിന്റെ എല്ലാ കോണിൽ നിന്നുമുള്ള സന്ദർശകർക്ക് ആഫ്രിക്കൻ രാജ്യമായ കെനിയ സന്ദർശിക്കാൻ ഇനി വിസയുടെ ആവശ്യമില്ല. ജനുവരി മുതൽ നിയമം പ്രാബല്യത്തിൽ വരും. പ്രസിഡന്റ് വില്യം റൂട്ടോയാണ് ഇക്കാര്യം അറിയിച്ചത്. പുതിയ ഡിജിറ്റൽ പ്ലാറ്റ്‌ഫോം വഴി വിദേശികള്‍ക്ക് പ്രവേശനം അനുവദിക്കും. പുതിയ നീക്കത്തിലൂടെ രാജ്യത്തെത്തുന്ന വിനോദ സഞ്ചാരികളിൽ ഗണ്യമായ ഉയർച്ചയുണ്ടാകുമെന്നാണ് പ്രതീക്ഷ. മാസായി മാരാ, അംബോസലി, സാവോ തുടങ്ങി ആഫ്രിക്കൻ ഭൂഖണ്ഡത്തിലെ ഏറ്റവും പ്രശസ്തമായ വന്യജീവി സങ്കേതങ്ങൾ കെനിയയിലാണ്.