ചെറുകിട വ്യവസായങ്ങൾ ചെയ്യാനുദ്ദേശിക്കുന്ന സംരഭകർക്ക് സഹായം നൽകാൻ ഒരുങ്ങി കേന്ദ്രസർക്കാർ. പ്രധാനമന്ത്രി നരേന്ദ്രമോദിയുടെ മുദ്രായോജന ലോൺ പദ്ധതി വഴിയാണ് ഈ സഹായം ഒരുങ്ങുന്നത്. സംരഭംകർക്ക് പത്ത് ലക്ഷം രൂപ വരെയുളള ധനസഹായം ഈ പദ്ധതി വഴി ലഭിക്കും. 2015ലാണ് ഈ പദ്ധതി മോദി സർക്കാർ രാജ്യത്ത് അവതരിപ്പിച്ചത്.

മൈക്രോ യൂണി​റ്റ്സ് ഡെവലപ്പ്‌മെന്റ് ആൻറീഫിനാൻസിനെ പ്രതിനിധീകരിക്കുന്ന ഈ ലോൺ പ്രധാനമായും സാമ്പത്തിക സ്ഥാപനങ്ങളായ ബാങ്കുകളിലൂടെയും ബാങ്ക് ഇതരസ്ഥാപനങ്ങളിലൂടെയും ഉപയോക്താക്കൾക്ക് ലഭ്യമാകാറുണ്ട്. 2016ലെ സാമ്പത്തിക വർഷത്തെ യൂണിയൻ ബജ​റ്റിലാണ് ഈ പദ്ധതിയുടെ പ്രഖ്യാപനം ഉണ്ടായത്.

കോർപറേ​റ്റ് ഇതരബിസിനസ് വിഭാഗങ്ങളിൽ പച്ചക്കറി കച്ചവടക്കാർ,പഴകച്ചവടക്കാർ,ട്രക്ക് ഓപ്പറേ​റ്ററുമാർ, റിപ്പെയർ ഷോപ്പ് ഉടമകൾ, കാ​റ്ററിംഗ് നടത്തുന്നവർ, മെഷീൻ ഓപ്പറേ​റ്റർമാർ,തുടങ്ങിയവർ ഈ പദ്ധതിയിൽ ചേരാൻ യോഗ്യരാണ്. വ്യവസായങ്ങൾ നാട്ടിൻപുറങ്ങളിലോ നഗരപ്രദേശത്തോ ആകാവുന്നതാണ്.

മ​റ്റ് യോഗ്യതകൾ എന്തൊക്കെയെന്ന് നോക്കാം.

1. അപേക്ഷകന് ഇന്ത്യൻ പൗരത്വം ഉണ്ടായിരിക്കണം.
2. വ്യാപാരം നടത്തുന്നതിനുളള കൃത്യമായ പ്ലാൻ ഉണ്ടായിരിക്കണം.
3.അപേക്ഷകന് നിലവിൽ മ​റ്റ് ലോണുകൾ ഉണ്ടാകരുത്.
4. അപേക്ഷകന് കുറഞ്ഞത് മൂന്ന് വർഷത്തെ വിന്റേജ് ഉണ്ടായിരിക്കണം.
5. അപേക്ഷകർ 24നും 70 വയസിനുമിടയിലുളളവരായിരിക്കണം.

അപേക്ഷിക്കേണ്ട വിധം
1. മുദ്രാലോണിന്റെ ഔദ്യോഗിക വെബ്‌സൈ​റ്റിൽ (www.udyamimitra.in) പ്രവേശിക്കുക.
2. തുറന്നുവരുന്ന പേജിൽ നിന്നും അനുയോജ്യമായ ഓപ്ഷൻ തിരഞ്ഞെടുക്കുക.
3. പുതിയ രജിസ്‌ട്രേഷന് അപേക്ഷകന്റെ പേര്, ഇമെയിൽ അഡ്രസ്,ഫോൺ നമ്പർ തുടങ്ങിയ നൽകുക.
4. ലഭിക്കുന്ന ഒടിപി കോഡ് ഉപയോഗിച്ച് രജിസ്​റ്റർ ചെയ്യുക.

വിവിധ തരംലോണുകൾ
ശിശു (50,000 രൂപ മുതൽ ലോൺ ലഭിക്കും)
കിഷോർ ( 50,000 രൂപ മുതൽ അഞ്ച് ലക്ഷം വരെ)
തരുൺ (അഞ്ച് ലക്ഷം മുതൽ പത്ത് ലക്ഷം വരെ)