ചില വീടുകളിൽ കാണുന്ന കാഴ്‌ചയാണ് എന്ത് ചെയ്‌തിട്ടും ദാരിദ്ര്യവും കഷ്‌ടപ്പാടുകളും ഒഴിയാത്ത അവസ്ഥ. വരവിനേക്കാൾ ചെലവ് അധികമാകുന്നതും കടങ്ങൾ പെറ്റുപെരുകുന്നതും നിരവധി പേർ നേരിടുന്ന പ്രതിസന്ധികളാണ്. ഈ അവസ്ഥയ്ക്ക് ബാഹ്യമായ പല കാരണങ്ങളും ഉണ്ടാകുമെങ്കിലും വാസ്‌തു ദോഷങ്ങളും ഇതിൽ പ്രധാന പങ്ക് വഹിക്കുന്നു. വീട്ടിലെ വാസ്‌തുദോഷങ്ങൾ അവിടെ ജീവിക്കുന്നവരെയും സാരമായി ബാധിക്കുന്നു. ഇതിൽ നിന്ന് രക്ഷനേടാൻ ചില കാര്യങ്ങൾ ശ്രദ്ധിച്ചാൽ മതിയാവും.
വാസ്‌തു ശാസ്ത്രപ്രകാരം എട്ട് ദിക്കുകളിൽ ഏറ്റവും ശക്തിയേറിയ ദിക്കാണ് കന്നിമൂല. ഈ ദിശയിൽ വാസ്‌തുവിൽ ചില കാര്യങ്ങൾ നിഷ്‌ക‌ർഷിച്ചിട്ടുണ്ട്. ഇവ ശ്രദ്ധിച്ചാൽ തന്നെ വീട്ടിലെ ദാരിദ്ര്യവും കഷ്ടതകളും അകന്ന് സമ്പദ്‌‌സമൃദ്ധിയും അഭിവൃദ്ധിയും കൈവരുമെന്നാണ് വിദഗ്ദ്ധർ അഭിപ്രായപ്പെടുന്നത്.