റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ-മെയിൽ: samkhiyarathnam@gmail.com.
2023 ഡിസംബർ 19 1199 ധനു 3 ചൊവ്വാഴ്ച. (പുലർച്ചെ 1 മണി 21 മിനിറ്റ് 17 സെക്കന്റ് വരെ ചതയം നക്ഷത്രം ശേഷം പൂരുരുട്ടാതി നക്ഷത്രം)
അശ്വതി: തൊഴിൽ രംഗത്ത് വളരെയധികം ശ്രദ്ധിക്കണം. സാമ്പത്തിക ഇടപാടുകൾ സൂക്ഷിച്ച് കൈകാര്യം ചെയ്യുക, ധനനഷ്ടം, യാത്രയിൽ അസ്വസ്ഥതകൾ, ഭീരുത്വവും ക്ഷമക്കുറവും, ബന്ധുക്കൾ ശത്രുതാ മനോഭാവത്തോടെ പെരുമാറും, അന്യ സ്ത്രീകൾ കാരണം മാനഹാനി.
ഭരണി: രാഷ്ട്രീയ പ്രവർത്തകർ അപവാദാരോപണങ്ങൾക്ക് വിധേയരാകും. ഗൃഹത്തിൽ അറ്റകുറ്റപ്പണികൾക്കായി പണം ചെലവഴിക്കേണ്ടി വരും, വ്യവഹാരങ്ങളിൽ പ്രയാസങ്ങൾ ഉണ്ടാകും, ഉദ്യോഗത്തിൽ തിരിച്ചടികൾ, ദുർവാശി ഒഴിവാക്കുക, ആരോഗ്യപരമായി നല്ല കരുതൽ ആവശ്യം.
കാർത്തിക: സാമ്പത്തിക ഇടപാടുകൾ നടത്തുമ്പോൾ സൂക്ഷിക്കുക. കാർഷിക രംഗത്ത് ധനനഷ്ടത്തിന് സാദ്ധ്യത. ദാമ്പത്യ സുഖക്കുറവ് അനുഭവത്തിൽ വരും, മറ്റുള്ളവരുടെ കുറ്റങ്ങളും കുറവുകളും അന്വേഷിച്ചു നടക്കുന്നതിനാൽ ശത്രുക്കൾ വർദ്ധിക്കും, ശത്രുക്കൾ കൂടുതൽ ശക്തരാകും.
രോഹിണി: ലാഭകരമായി നടന്നു കൊണ്ടിരുന്ന സംരംഭങ്ങൾക്ക് താത്ക്കാലികമായി മന്ദത അനുഭവപ്പെടും. സ്വതന്ത്രരായി ജീവിക്കാനും പ്രവർത്തിക്കാനും താൽപ്പര്യം കാണിക്കും, വിദേശവാസം ഗുണകരമായിരിക്കും, ഇഷ്ട ഭക്ഷണലബ്ദി, ശത്രുക്കളെ പരാജയപ്പെടുത്തും.
മകയിരം: പൊതുപ്രവർത്തകർക്ക് പുതിയ സ്ഥാനമാനങ്ങൾ ലഭിച്ചേക്കാം. ചിലർ പുതിയ പദ്ധതികൾ ആരംഭിച്ചേക്കും. ധന സമ്പാദനത്തിന് മികവ് കാണിക്കും, സുന്ദരികളായ സ്ത്രീകളുമായി സൗഹൃദം സ്ഥാപിക്കും, കലാപരമായ കാര്യങ്ങളിൽ അതിയായ താൽപ്പര്യം, ആകർഷകമായി സംസാരിക്കും.
തിരുവാതിര: കലാരംഗത്ത് പ്രവർത്തിക്കുന്നവർക്ക് പ്രശസ്തിയും അംഗീകാരവും ലഭിക്കും. ധനസമ്പാദനം ഒരു മുഖ്യവിഷയം ആയി പരിഗണിക്കുകയും അതിന് എന്ത് മാർഗവും അവലംബിക്കുകയും ചെയ്യും, നഷ്ടപ്പെട്ടെന്ന് കരുതിയ ബന്ധങ്ങൾ തിരികെ ലഭിക്കും.
പുണർതം: സർക്കാർ ഉദ്യോഗസ്ഥർക്ക് പ്രമോഷനുള്ള ഉത്തരവ് ലഭിക്കും. കുടുംബത്തിൽ സമാധാനവും ഐശ്വര്യവും ഉണ്ടാകും. മതപരമായ ചടങ്ങുകളിൽ പങ്കെടുക്കും, വരവ് അധികരിക്കും, ക്രയവിക്രയങ്ങളിൽ നേട്ടം, യാത്രകൾ കൊണ്ട് ഗുണം കിട്ടും.
പൂയം: നറുക്കെടുപ്പ് മത്സരങ്ങളിൽ വിജയിക്കാൻ സാദ്ധ്യതയുണ്ട്. ജോലിയിൽ അനുകൂലമായ മാറ്റം പ്രതീക്ഷിക്കാം, വീടുപണി ആരംഭിക്കുകയോ അറ്റകുറ്റപണികൾ നടത്തുകയോ ചെയ്യും, സുഖകരമായ കുടുംബജീവിതം, സാമ്പത്തികമായി ഉന്നതി.
ആയില്യം: ദാമ്പത്യജീവിതം സന്തോഷപ്രദമായിരിക്കും. ജോലി സംബന്ധമായി യാത്രകൾ വേണ്ടിവരും. മുമ്പു ഉണ്ടായിരുന്നതിനേക്കാൾ സമാധാനവും സന്തോഷവും അനുഭവപ്പെടും, നിർമ്മാണ പദ്ധതികൾക്ക് തുടക്കം കുറിക്കും, സ്ത്രീകൾക്ക് സമ്മാനാദിലാഭം, വ്യാപാരികൾക്ക് നല്ലസമയം.
മകം: ദാമ്പത്യകലഹം ഉണ്ടാകാതെ ശ്രദ്ധിക്കുക. ആരോഗ്യപരമായി ദോഷകാലമാണ്. ശത്രു ഭീതിയും പരാജയവും, അപമാനം, യാത്രകൊണ്ട് പ്രതീക്ഷിച്ച ഗുണം കിട്ടില്ല, തൊഴിൽ പരമായി വളരെ അധികം ശ്രദ്ധിക്കുക. പലരിൽനിന്നും തിക്താനുഭവങ്ങൾ ഉണ്ടാകുമെങ്കിലും താൽക്കാലികമായി രക്ഷപ്പെടും.
പൂരം: തൊഴിലുമായി ബന്ധപ്പെട്ട് അപകീർത്തിക്ക് സാദ്ധ്യത ഉള്ളതിനാൽ വളരെയധികം ശ്രദ്ധിക്കുക. ധനചെലവ്, ദൂരയാത്രാ ക്ലേശം, ഉന്നതരിൽ നിന്നും വിഷമകരമായ സംസാരവും, പ്രവർത്തികളും നേരിടും, പൊതു പ്രവർത്തകർക്ക് മാനഹാനിയും പണച്ചെലവും, പണം കടം വാങ്ങിക്കേണ്ടി വരും.
ഉത്രം: അദ്ധ്വാനഭാരം വർദ്ധിക്കും. കർമ്മരംഗത്ത് പുതിയ ഉത്തരവാദിത്തങ്ങൾ ഏറ്റെടുക്കേണ്ടി വരും. ഇല്ലാത്ത പ്രൗഢിയും പെരുമയും പുറമേ കാണിക്കും, പൊതുവേ അലസരും മടിയരും ആയിരിക്കും, യാത്രാവേളയിൽ പണമോ വിലപ്പെട്ട രേഖകളോ നഷ്ടപ്പെടാതെ നോക്കണം.
അത്തം: പുതിയ സംരംഭം തുടങ്ങാൻ അനുകൂലമായ സമയമല്ല. വിവാഹത്തിന് കാലതാമസം നേരിടും. മറ്റുള്ളവരിൽ നിന്നും ക്ലേശകരമായ അനുഭവങ്ങൾ വരാം, അധിക ചെലവുകൾ മുഖേന കടം വാങ്ങേണ്ട സ്ഥിതി ഉണ്ടാകും. മാതാവിന് ശാരീരിക അസുഖം അനുഭവപ്പെടും, ദാമ്പത്യ സുഖക്കുറവ്.
ചിത്തിര: ഏറെക്കാലമായി അകന്നു കഴിയുന്ന ബന്ധുമിത്രാദികളെ കണ്ടുമുട്ടാൻ അവസരം ലഭിക്കും. സന്താനങ്ങൾക്ക് അംഗീകാരവും പ്രശസ്തിയും ലഭിക്കും. സത്യധർമ്മാദികളിൽ നിന്നും വ്യതിചലിക്കില്ല, ശത്രുക്കളെ ജയിക്കും, നിർബന്ധബുദ്ധി കാണിക്കും, ദാമ്പത്യത്തിൽ സംതൃപ്തിയും സമാധാനവും ഉണ്ടാകും, ആരോഗ്യം സംരക്ഷിക്കണം.
ചോതി: ദമ്പതികൾ തമ്മിൽ സൗന്ദര്യപ്പിണക്കം ഉണ്ടാകും. സന്താനങ്ങൾ മുഖേന മനഃക്ലേശം അനുഭവപ്പെടും. അത്യാവശ്യ സമയത്ത് പണത്തിന് ബുദ്ധിമുട്ടുണ്ടാകും, കുടുംബപരമായി കൂടുതൽ ഉത്തരവാദിത്തങ്ങൾ ഏറ്റെടക്കേണ്ടതായി വരും. ഈശ്വരാധീനം കുറഞ്ഞ ദിവസം ആയിരിക്കും, സൂക്ഷിക്കുക.
വിശാഖം: സാമ്പത്തിക പ്രതിസന്ധി തരണം ചെയ്യാൻ സാധിക്കും. പിതൃഗുണവും ഭാഗ്യപുഷ്ടിയും ഉണ്ടാകും. മാതൃഗുണം ലഭിക്കും, കുടുംബത്തിൽ സ്ത്രീകൾ വളരെ സ്‌നേഹത്തോടെയും അനുസരണയോടെയും വർത്തിക്കും, തൊഴിലിൽ ഉന്നതി, ബുദ്ധിപരമായി കാര്യങ്ങൾ കൈകാര്യം ചെയ്യും, വിജയം വരെ പരിശ്രമിക്കും.
അനിഴം: സർക്കാരിൽ നിന്ന് ലഭിക്കാനുള്ള ആനുകൂല്യങ്ങൾ ലഭിക്കും. ഗൃഹാന്തരീക്ഷം ശോഭനമായിരിക്കും. ഒരു മടിയും കൂടാതെ ആത്മാർത്ഥമായി പെരുമാറും, മാതാവിന്റെ പക്കൽ നിന്നും സഹായങ്ങൾ ലഭിക്കും, സന്താനഭാഗ്യം സിദ്ധിക്കും, സുഖാനുഭവങ്ങൾ. ഗൃഹത്തിൽ ബന്ധുസമാഗമം പ്രതീക്ഷിക്കാം.
കേട്ട: സന്താനങ്ങൾ മുഖേന സന്തോഷം വർദ്ധിക്കും. ആർഭാട വസ്തുക്കൾക്കായി പണം ചെലവിക്കും. അകന്നു നിന്ന കല്യാണാലോചനകൾ വീണ്ടും സജീവമാകും, മനസിലിരുപ്പ് മറ്റുള്ളവർ അറിയാതെ പ്രവർത്തിക്കാനുള്ള കഴിവുണ്ടാകും, ധനപരമായ നേട്ടം. സഹോദരങ്ങളുമായി തീരുമാനിച്ച് പുതിയ പദ്ധതികൾ ആവിഷ്‌ക്കരിക്കും.
മൂലം: സാമൂഹിക സാഹിത്യരംഗത്തുള്ളവർക്ക് അംഗീകാരവും പ്രശസ്തിയും ലഭിക്കും. ദമ്പതികൾ തമ്മിൽ ഐക്യതയോടെ കഴിയും. അകലെ നിന്നും സഹായ സഹകരണങ്ങൾ ലഭിക്കും, ഭൂമിയിടപാടുകളിൽ ലാഭം, കുടുംബത്തിൽ ഐശ്വര്യം, യാത്രകളിൽ നിന്നും ഗുണാനുഭങ്ങൾ.
പൂരാടം: ഉല്ലാസയാത്രകളിൽ പങ്കെടുക്കും. ഈശ്വാരാധീനം ഉള്ളതിനാൽ ആപത്തുകളിൽ നിന്ന് രക്ഷപ്പെടും. പ്രശ്നങ്ങളെ ധീരതയോടെ നേരിട്ടു വിജയം വരിക്കും, ആത്മവിശ്വാസം വളരും, നല്ല സമയം, കർമ്മ മേഖലയിൽ നില നിന്നിരുന്ന അനിശ്ചിതത്വം മാറിപ്പോകും.
ഉത്രാടം: ഭൂമി സംബന്ധമായ ക്രയവിക്രയങ്ങൾക്ക് ശ്രമിക്കുന്നവർക്ക് അനുകൂല സമയം. സാമ്പത്തികമായി നിലനിന്നിരുന്ന പ്രതിസന്ധി തരണം ചെയ്യാൻ സാധിക്കും. ഉന്നത ഉദ്യോഗസ്ഥരിൽ നിന്നും ആത്മാർഥമായ സഹകരണം. കുടുംബ സുഖം, ബിസിനസിൽ നേട്ടം, അനുകൂലമായ വിവാഹ ബന്ധം കിട്ടും.
തിരുവോണം: തടസപ്പെട്ടു കിടന്നിരുന്ന പല കാര്യങ്ങൾക്കും നീക്കുപോക്ക് ഉണ്ടാകും. ഈശ്വരാധീനം ഉള്ളതിനാൽ എല്ലാ ആപത്തുകളിലും നിന്നും രക്ഷപ്പെടും. ധനാഗമനത്തിന് അനുകൂലമായ സാഹചര്യങ്ങൾ, ജനപ്രീതിയും അംഗീകാരവും, മറ്റുള്ളവരെ സഹായിക്കാൻ താൽപര്യം കാണിക്കും, സ്ത്രീകൾ മുഖേന സന്തോഷം കിട്ടും.
അവിട്ടം: ദാമ്പത്യസുഖവും മനഃസന്തോഷവും അനുഭവപ്പെടും. വിശേഷവസ്ത്രാഭരണാദികൾ സമ്മാനമായി ലഭിക്കും. എല്ലാ രംഗങ്ങളിൽ നിന്നും സാമ്പത്തിക നേട്ടം പ്രതീക്ഷിക്കാം, ജീവിതത്തിൽ പലവിധത്തിലും ഉള്ള പുരോഗതി, മാതാവിന് രോഗശാന്തി, സമ്മാനങ്ങൾ കിട്ടും.
ചതയം: രാഷ്ട്രീയരംഗത്ത് പ്രവർത്തിക്കുന്നവർക്ക് സ്ഥാനമാനങ്ങൾ ലഭിക്കും. പലവിധ വിഷമഘട്ടങ്ങളിൽ നിന്നും മോചനം ലഭിക്കും. അകന്നു കഴിഞ്ഞവർ അടുത്ത് വരും, സ്വന്തം പ്രവർത്തികൾ വിജയത്തിലെത്തും, കച്ചവടത്തിൽ നിന്നും മികച്ച ലാഭം നേടും, കുടുംബത്തിൽ ഐശ്വര്യവും സമാധാനവും.
പൂരുരുട്ടാതി: കച്ചവടത്തിലെ പണമിടപാടുകൾ വളരെ സൂക്ഷിച്ച് കൈകാര്യം ചെയ്യുക. ദമ്പതികൾ തമ്മിൽ അഭിപ്രായവ്യത്യാസത്തിന് സാദ്ധ്യത. മുൻകോപം നിയന്ത്രിക്കണം. സ്ത്രീകൾ മുഖേനെ ചതിയും അപമാനവും, കുടുംബത്തിൽ ഉള്ളവരുമായി രമ്യതയിൽ തുടരണം, പൊതുരംഗത്ത് പ്രവർത്തിക്കുന്നവർക്ക് നേരിയ തോതിൽ മനപ്രയാസം ഉണ്ടാകാം.
ഉത്തൃട്ടാതി: ഊഹക്കച്ചവടത്തിൽ ഏർപ്പെടാതിരിക്കണം. ദേഷ്യം കാരണം വേണ്ടപ്പെട്ടവർ പോലും ശത്രുക്കളാകും. വിവാഹ കാര്യങ്ങളിൽ അനുകൂല തീരുമാനമെടുക്കാൻ തടസം നേരിടും. രഹസ്യങ്ങൾ മറ്റുള്ളവരുമായി പങ്കിടരുത്, എല്ലാകാര്യത്തിലും ആത്മനിയന്ത്രണം പാലിക്കണം, സുഹൃത്തുക്കളുമായി അകലാതിരിക്കാൻ പ്രത്യേകം ശ്രദ്ധിക്കണം.
രേവതി: സാമ്പത്തിക നേട്ടം ഉണ്ടാകുമെങ്കിലും അധിക ചിലവുകൾ വർദ്ധിക്കും. അനാവശ്യമായ സംസാരം കഴിവതും ഒഴിവാക്കണം. നല്ല ക്ഷമയോടെ കാര്യങ്ങൾ നോക്കി കാണണം, കുടുംബ സമാധാനം നഷ്ടപ്പെടും, അനാവശ്യ ചെലവുകൾ വരും, തൊഴിൽ സ്ഥാപനത്തിൽ കുഴപ്പങ്ങൾ, അമിതമായ ആത്മവിശ്വാസം കുഴപ്പത്തിൽ ചാടിക്കും.