ജ്യോതിഷത്തിൽ സംഖ്യകൾക്ക് വളരെയധികം പ്രാധാന്യം ഉണ്ട് . സംഖ്യകൾ വിശകലനം ചെയ്യുകയും പ്രവചനങ്ങൾ നടത്തുകയും ചെയ്യുന്ന ജ്യോതിഷ മേഖലയാണ് സംഖ്യാശാസ്ത്രം അഥവാ ന്യൂമറോളജി , സംഖ്യാശാസ്ത്ര പ്രകാരം 2024 വർഷത്തിൽ ഭാഗ്യ സംഖ്യ രണ്ട് ആയവരുടെ ഫലങ്ങൾ വിശദീകരിക്കുന്നു

ഭാഗ്യസംഖ്യ 2

ഏത് വർഷവും ഏത് മാസവും 2 , 11, 20 , 29 തീയതികളിൽ ജനിച്ചവരുടെയെല്ലാം ഭാഗ്യസംഖ്യ ന്യൂമറോളജി പ്രകാരം " 2" ആണ്.സംഖ്യാശാസ്ത്ര പ്രകാരം ചന്ദ്രൻ ഭരിക്കുന്ന ന്യൂമറോളജി നമ്പർ "2" ന് കീഴിൽ ജനിച്ച വ്യക്തികൾ 2024-ൽ നിരവധി പുതിയ പാഠങ്ങൾ പഠിക്കും. പൊതുവെ ഇക്കൂട്ടർക്ക് വളരെയധികം പരീക്ഷണങ്ങൾ നിറഞ്ഞ ഒരു വർഷം ആയിരിക്കും 2024 . പുതിയ കാര്യങ്ങൾ പഠിക്കും, പുതിയ കഴിവുകൾ നേടും. അതിനായി നിരന്തര പരിശ്രമവും നടത്തും.

ഭാഗ്യസംഖ്യ "2" ലഭിച്ചിരിക്കുന്നവർ സ്ഥിരതയില്ലായ്മ അനുഭവപ്പെടുന്നതാണ്. ഇക്കൂട്ടർ എല്ലാ കാര്യവും വളരെ കരുതലോടെ ശ്രദ്ധിക്കേണ്ടതാണ്. തൊഴിൽ - കുടുംബ ബന്ധങ്ങള്‍ - വിദ്യാഭ്യാസം തുടങ്ങിയ മേഖലകളിൽ നിർബന്ധമായും സ്ഥിരത നിലനിർത്തിക്കൊണ്ടുപോകേണ്ടതാണ്. അല്ലാത്തപക്ഷം അവയൊക്കെ ശിഥിലമാകാൻ സാദ്ധ്യതയുണ്ട്. ഭാഗ്യസംഖ്യ "2" ലഭിച്ചിരിക്കുന്നവർ അവരുടെ പ്രണയ പങ്കാളികളുമായി വൈകാരികമായി സ്നേഹവും വാത്സല്യവും ഉള്ളവരായിരിക്കും. പുതിയ പ്രണയ ബന്ധങ്ങൾ ഉടലെടുക്കുന്നതാണ്.

ഭാഗ്യസംഖ്യ "2" ലഭിച്ചിരിക്കുന്നവർ വളരെ ഊഷ്മളവും സെൻസിറ്റീവുമാണ്. ആയതിനാൽ പ്രശ്നങ്ങൾ നേരിടേണ്ടി വന്നേക്കാം. അങ്ങേയറ്റം വൈകാരിക സ്വഭാവം കാരണം കുടുംബ ബന്ധങ്ങൾ നിലനിർത്തുന്നതിൽ പ്രയാസങ്ങള്‍ നേരിടേണ്ടിവരും. അതിനാൽ കുടുബ ബന്ധങ്ങളിൽ പ്രത്യേകിച്ചും ജീവിത പങ്കാളിയോട് വളരെയധികം രമ്യതയിൽ വേണം പെരുമാറാൻ. വിദ്യാഭ്യാസം, കരിയർ, ബിസിനസ് മേഖലകളിൽ പുതുവർഷത്തിൽ നല്ല ഫലം ലഭിക്കും.

കലാരംഗത്ത് പ്രവർത്തിക്കുന്നവർക്ക് പുതുവർഷത്തിൽ ധാരാളം അവസരങ്ങൾ ലഭിക്കും, എന്നാൽ ദുർവാശിയാൽ അവ നഷ്ടപ്പെടാതെ ശ്രദ്ധിക്കണം. ഇവർക്ക് കാര്യമായി സമ്പാദിക്കാനുള്ള അവസരങ്ങളും ലഭിക്കും. അതും നഷ്ടപ്പെടുത്തരുത്. പണം നന്നായി കൈകാര്യം ചെയ്യാനും കൂടുതൽ നിക്ഷേപം നടത്താനും ശ്രദ്ധിക്കണം. എല്ലാ സാമ്പത്തിക സംരംഭങ്ങളും വിജയിക്കണമെന്നില്ല. ആയതിനാൽ നിക്ഷേപങ്ങൾ സൂക്ഷിച്ചു വേണം കൈകാര്യം ചെയ്യാൻ.

മാനസികവും ശാരീരികവുമായ പിന്തുണയ്‌ക്കായി അവരുടെ പ്രിയപ്പെട്ടവരെ ആശ്രയിക്കേണ്ടിവരും. ചുറ്റുമുള്ള എല്ലാവരോടും ദയ കാണിക്കാനും മറ്റുള്ളവരെ വേദനിപ്പിക്കുന്നത് ഒഴിവാക്കാനും "2" ഭാഗ്യസംഖ്യ ലഭിച്ചിരിക്കുന്നവർ പ്രത്യേകം ശ്രദ്ധിക്കണം. ജോലിസ്ഥലത്ത് ആരോഗ്യകരമായ അന്തരീക്ഷം സൃഷ്ടിക്കാനും ശ്രദ്ധിക്കേണ്ടതാണ് കാരണം ഇക്കൂട്ടർ പലപ്പോഴും സഹപ്രവർത്തകരോട് വൈരാഗ്യം വച്ചു പുലർത്തുന്നവരായിരിക്കും ഈ കാര്യം ശ്രദ്ധിക്കുകയും ഇത്തരത്തിലുള്ള സമീപനം ഒഴിവാക്കുകയും വേണം.

പൊതു വർഷഫലം

ആരെയും അമിതമായി വിശ്വസിക്കുന്ന സ്വഭാവം ഉണ്ടായിരിക്കില്ല, മുൻകോപം, വൈരാഗ്യം, അലസത, മടി എന്നിവ
"2" ഭാഗ്യസംഖ്യ ലഭിച്ചിരിക്കുന്നവരുടെ ശത്രുക്കള്‍ ആണ്. ഇവയിൽ നിന്ന് മുക്തി വരുത്തേണ്ടത് ജീവിത വിജയത്തിന് അത്യന്താപേക്ഷിതമാണ്.

പരിഹാരം
1. ജീവിതത്തിൽ ഏത് കാര്യവും വിജയിക്കണമെങ്കിൽ മാതാവിന്റെ അനുഗ്രഹങ്ങളും ആശിർവാദങ്ങളും വേണം.ആയതിനാൽ അമ്മയുമായി രമ്യതയിലും സ്നേഹത്തോടെയും വർത്തിക്കുക.

2. സൂര്യാസ്തമയത്തിനുശേഷം ചാന്ദ്ര നമസ്കാരം ചെയ്യുക.

3. പകൽ ഉറങ്ങാൻ പാടില്ല.

4. മുത്ത് (Pearl) വെള്ളി ലോഹത്തിൽ മോതിരമാക്കി ധരിക്കുക.

5. എന്തുകാര്യത്തിന് പുറപ്പെടുമ്പോഴും വടക്ക് ദിക്കിലേക്ക് 9 ചുവടുകൾ നടന്നതിനു ശേഷം ഉദ്ദിഷ്ട ദിക്കിലേക്ക് പോവുക.

5. തിങ്കളാഴ്ചകളിൽ ദുർഗാ ദേവീക്ഷേത്ര ദർശനം നടത്തുന്നത് ഉത്തമമാണ്.

(തുടരും)

റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ-മെയിൽ: samkhiyarathnam@gmail.com.