റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ-മെയിൽ: samkhiyarathnam@gmail.com.

2023 ഡിസംബർ 20 1199 ധനു 4 ബുധനാഴ്ച.

(പുലർച്ചെ 0 മണി 1 മിനിറ്റ് 57 സെക്കന്റ് വരെ പൂരുരുട്ടാതി നക്ഷത്രം ശേഷം ഉത്തൃട്ടാതി നക്ഷത്രം രാത്രി 10 മണി 57 മിനിറ്റ് 22 സെക്കന്റ് വരെ ശേഷം രേവതി നക്ഷത്രം )

അശ്വതി :സൂക്ഷിച്ചില്ലെങ്കിൽ ധനനഷ്ടമുണ്ടാകും, സ്വജനങ്ങളിൽ നിന്നും ബുദ്ധി മുട്ടുകൾ ഉണ്ടാകും. തൊഴിൽ തടസ്സംവരും.

ഭരണി : പ്രശ്നങ്ങൾ മുഖേന ഉറക്കമില്ലായ്മ അനുഭവപ്പെടുന്നത് ആരോഗ്യ പ്രശ്നങ്ങൾ ഉണ്ടാക്കും, വിവാദങ്ങളിൽ പരാജയം ഉണ്ടാകും.

കാർത്തിക : ചെലവുകൾ അധികരിക്കും, സുഹൃത്തുക്കളാൽ പലവിധ വിഷമതകൾ ഉണ്ടാകും. അന്യർക്കായി പരിശ്രമിക്കും.

രോഹിണി : പണം ചെലവഴിക്കാൻ മടി കാണിക്കും.ജോലിക്കായി ശ്രമിക്കുന്നവർക്ക് കാലതാമസം ഉണ്ടാകും. വിദ്യാർദ്ധികൾക്ക് പഠനത്തിൽ അൽപ്പം മന്ദതയുണ്ടാകും.

മകയിരം : ദൂര സ്ഥലങ്ങളിലേക്ക് മാറ്റം, ശത്രുക്കൾ വർദ്ധിക്കും, സർക്കാരിൽ നിന്നും ലഭിക്കാനുള്ള ആനുകൂല്യങ്ങൾക്ക് തടസ്സം നേരിടും.

തിരുവാതിര : ഉയർന്ന സ്ഥാനം ആഗ്രഹിക്കുന്നവർക്ക് സ്വന്തപ്രയത്നത്തിലൂടെ അതു സാധിക്കും. വാഹന സംബന്ധമായ ചെലവുകൾ വർദ്ധിക്കും.

പുണർതം : ബന്ധുക്കളുമായി സഹകരിക്കുകയും ഒത്തുചേർന്ന് പ്രവർത്തിക്കുകയും ചെയ്യും. വിവാഹം അന്വേഷിക്കുന്നവർക്ക് അനുയോജ്യമായ ബന്ധം ലഭിക്കും.

പുയം : ധനാഭിവൃദ്ധിയും ജീവിതസൗകര്യങ്ങളും ലഭ്യമാകും. ആത്മാർത്ഥതയുള്ള ഉപദേശങ്ങൾ ലഭിക്കും. സാമർത്ഥ്യത്തോടെ എല്ലാകാര്യങ്ങളും ചെയ്ത് വിജയിക്കും.

ആയില്യം : പ്രമോഷന് വേണ്ടി ശ്രമിക്കുന്നവർക്ക് അനുകൂലമായ ഉത്തരവ് ലഭിക്കും. സഹോദരങ്ങൾ തമ്മിൽ ഐക്യതയുണ്ടാവും.

മകം : ഏറ്റെടുത്ത ജോലി കൃത്യസമയത്ത് ചെയ്യുന്നതിലൂടെ മേലദ്യോഗസ്ഥരുടെ പ്രീതി സമ്പാദിക്കും,സുഹൃത്തുക്കളാലും ബന്ധുക്കളാലും പ്രശംസിക്കപ്പെടും.

പൂരം : ജോലി സ്ഥിരത ശമ്പള വർധനവ് എന്നിവയ്ക്ക് സാധ്യത. സ്വയം തൊഴിൽ സംരംഭങ്ങളിൽ ഏർപ്പെട്ടിരിക്കുന്നവർക്ക് അപ്രതീക്ഷിത ലാഭം.

ഉത്രം : സഹോദരങ്ങളുമായി അഭിപ്രായവ്യത്യാസത്തിന് സാദ്ധ്യത. കർമ്മമേഖലയിലെ പ്രശ്നങ്ങൾ അസ്വസ്ഥതയുണ്ടാക്കും. കുടുംബത്തിൽ നിന്നും മാറി താമസിക്കും.

അത്തം : അപ്രതീക്ഷിതമായി ചെലവുകൾ വരാം. അയൽവാസികളുമായി പിണക്കം വരും. അപകടങ്ങൾ ക്ഷണിച്ചുവരുത്തും. അലസത അനുഭവപ്പെടും.

ചിത്തിര : തൊഴിൽരഹിതർക്ക് ജോലി ലഭിക്കാൻ തടസ്സങ്ങൾ നേരിടും. ശത്രുക്കളുടെ ഗൂഢതന്ത്രങ്ങൾ പരാജയപ്പെടുത്താൻ കഠിനമായി പരിശ്രമിക്കേണ്ടി വരും.

ചോതി : സർക്കാർ പദവിയിലിരിക്കുന്നവർക്ക് പദവി ഉയർച്ച പ്രതീക്ഷിക്കാം. സന്തോഷവും ധൈര്യവും പ്രകടിപ്പിക്കാനുള്ള സന്ദർഭം വരും.

വിശാഖം : കുട്ടികൾക്ക് അസുഖങ്ങൾ ഉണ്ടാകാൻ ഇടയുണ്ട്.ഓഫീസ് നിർമ്മാണ പ്രവർത്തനങ്ങൾക്ക് തുടക്കമിടും. ഭാര്യയുമായുള്ള അകാരണമായ കലഹങ്ങൾ പലപ്രശ്നങ്ങൾക്കും ഇടയാക്കും.

അനിഴം : കാര്യസാദ്ധ്യതയും തൊഴിലിൽ അഭിവൃദ്ധിയുമുണ്ടാകും. ഭൂസ്വത്ത് വിൽക്കാനാഗ്രഹിക്കുന്നവർക്ക് ആഗ്രഹങ്ങൾ സാധിച്ചു കിട്ടും.

കേട്ട : പുണ്യകർമ്മങ്ങൾക്കായി ധനം ചെലവഴിക്കും. വസ്തുക്കൾ, വാഹനം എന്നിവ സ്വന്തമാക്കും.ധനാഭിവൃദ്ധിയുടെ അവസരം.

മൂലം : മാതാപിതാക്കളെ അനുസരിക്കും. വിദേശത്തു നിന്നും ജോലി വാഗ്ദാനങ്ങൾ തേടിയെത്തും. സാമ്പത്തിക ബുദ്ധിമുട്ടുകൾ മാറിക്കിട്ടും.

പൂരാടം : ഉയർന്ന സ്ഥാന പ്രാപ്തിയുണ്ടാകും. പങ്കാളിയുടെ സഹകരണം മഖേന എല്ലാ കാര്യങ്ങളിലും വിജയം കൈവരിക്കും.

ഉത്രാടം : ഉദാരമനസ്‌കതയോടു പ്രവർത്തിക്കും. കുടുംബത്തിൽ അഭിവൃദ്ധിയുണ്ടാകും. സുഹൃത്തുക്കൾക്കായി ധാരാളം ധനം ചെലവഴിക്കും.

തിരുവോണം : ഉദ്യോഗസ്ഥർക്ക് കൂടുതൽ ഉത്തരവാദിത്തമുള്ള ചുമതല ലഭിക്കും. സമാർത്ഥ്യത്തോടെയും ധൈര്യത്തോടെയും എല്ലാ കാര്യങ്ങളും ചെയ്തു തീർക്കും.

അവിട്ടം : എതിർപ്പുകളെയും തടസ്സങ്ങളെയും അതിജീവിക്കാൻ കഴിയും. ഈശ്വരപ്രീതികരങ്ങളായ കാര്യങ്ങൾക്ക് ധാരാളം സമയം ചിലവഴിക്കും.

ചതയം : സംസാരചാതുര്യം കൊണ്ട് ഏർപ്പെടുന്ന കാര്യങ്ങളിൽ വിജയമുണ്ടാകും. ഏറെ കാലമായി മാറ്റി വെച്ച ഇഷ്ടങ്ങൾ നടപ്പിലാക്കും. കുടുംബത്തിൽ ശാന്തിയും സമാധാനവും.

പൂരുരുട്ടാതി : സ്ത്രീകൾ മഖേന ധനനഷ്ടവും മാനഹാനിയും സംഭവിക്കും. ബാങ്കിൽ ലോണിന് അപേക്ഷിച്ചിട്ടുള്ളവർക്ക് ലഭിക്കുന്നതാണ്. പണം ധാരാളം സമ്പാദിക്കുമെങ്കിലും ചെലവഴിക്കാൻ മടിക്കും.

ഉത്രട്ടാതി : മുൻകോപവും പിടിവാശിയും നിയന്ത്രിച്ചില്ലെങ്കിൽ ജീവിതത്തിൽ പ്രശ്നങ്ങൾ ഉണ്ടാകും. മനസിനിണങ്ങിയ ജീവിതപങ്കാളിയെ കണ്ടെത്തുന്നതിൽ വിജയിക്കും.

രേവതി : ചതി, വഞ്ചന ഇവയിൽപ്പെട്ട് ധനനഷ്ടം ഉണ്ടാകും.കോപം നിമിത്തം സുഹൃത്തുക്കൾ അകലും. അസമയത്തുള്ള യാത്രകൾ ഒഴിവാക്കുക.