തിരുവനന്തപുരം: സ്ത്രീധനത്തിന്റെ പേരിൽ ആത്മഹത്യ ചെയ്ത മെഡിക്കൽ കോളേജിലെ പി.ജി വിദ്യാർത്ഥി ഡോ. ഷഹനയുടെ മുഖത്ത് നോക്കി അറസ്റ്റിലായ ഡോ. റുവൈസ് പണം ചോദിച്ചതിരുന്നതായി പൊലീസ് റിപ്പോർട്ട്. ഷഹ്നയുടെ ആത്മഹത്യാ കുറിപ്പിലുള്ള ഇക്കാര്യം പൊലീസ് ഹൈക്കോടതിയിൽ നൽകിയ റിപ്പോർട്ടിലുമുണ്ട്.

ചതിയുടെ മുഖം മൂടി എനിക്ക് അഴിച്ചുമാറ്റാൻ കഴിഞ്ഞില്ലെന്നും ഷഹനയുടെ ആത്മഹത്യാ കുറിപ്പിലുണ്ട്. 'അവന് പണമാണ് വേണ്ടത്. അത് എന്റെ മുഖത്ത് നോക്കി പറഞ്ഞുകഴിഞ്ഞു. ഇനിയും ഞാൻ എന്തിന് ജീവിക്കണം? ജീവിക്കാൻ തോന്നുന്നില്ല. ഈ ചതിക്ക് പകരമായി നല്ല രീതിയിൽ ജീവിച്ചു കാണിക്കേണ്ടതാണ്. പക്ഷേ എന്റെ ഫ്യൂച്ചർ ബ്ലാങ്കാണ്. ഇനി ഒരാളെ വിശ്വസിക്കാൻ കഴിയില്ല. സഹോദരി, ഉമ്മയെ നന്നായി നോക്കണം' ഇങ്ങനെ പോകുന്നു ഷഹനയുടെ ആത്മഹത്യാ കുറിപ്പ്.

മരിക്കുന്നതിന് രണ്ടു ദിവസം മുമ്പ് ക്യാമ്പസിൽ വച്ചാണ് റുവൈസ് ഷഹ്നയോട് പണം ആവശ്യപ്പെട്ടതെന്ന് പൊലീസ് റിപ്പോർട്ടിൽ പറയുന്നു. റുവൈസ് ഇക്കാര്യം സമ്മതിച്ചിട്ടുണ്ട്. ഷഹ്ന സുഹൃത്ത് മാത്രമായിരുന്നുവെന്ന റുവൈസിന്റെ മൊഴിയും പൊലീസ് തള്ളി. ഇരുവരും അടുത്ത ബന്ധത്തിലായിരുന്നു. ഒരുമിച്ച് യാത്ര ചെയ്ത ചിത്രങ്ങളും പൊലീസ് കോടതിയിൽ ഹാജരാക്കി.

അതേസമയം ​ഡോ.​ ​ഇ.​എ.​ ​റു​വൈ​സി​നെ​തി​രെ​യു​ള്ള​ ​ആ​രോ​പ​ണ​ങ്ങ​ളി​ൽ​ ​ക​ഴ​മ്പു​ണ്ടെ​ന്ന് ​ഹൈ​ക്കോ​ട​തി പറഞ്ഞു.​ ​ കേ​സി​ൽ​ ​ഡോ.​ ​റു​വൈ​സ് ​ന​ൽ​കി​യ​ ​ജാ​മ്യാ​പേ​ക്ഷ​യി​ലാ​ണ് ​ഇ​ക്കാ​ര്യം​ ​വാ​ക്കാ​ൽ​ ​പ​റ​ഞ്ഞ​ത്.​ ​ജ​സ്റ്റി​സ് ​പി.​ ​ഗോ​പി​നാ​ഥി​ന്റെ​ ​ബെ​ഞ്ച് ​ഹ​ർ​ജി​ ​വെ​ള്ളി​യാ​ഴ്ച​ ​പ​രി​ഗ​ണി​ക്കാ​ൻ​ ​മാ​റ്റി. സ്ത്രീ​ധ​നം​ ​ചോ​ദി​ച്ച​തി​ന് ​തെ​ളി​വി​ല്ലെ​ന്നും​ ​പ്ര​ണ​യ​ബ​ന്ധം​ ​ത​ക​ർ​ന്ന​താ​ണ് ​പ്ര​ശ്‌​ന​മെ​ന്നും​ ​റു​വൈ​സ് ​വാ​ദി​ച്ചു.​ ​വി​ദ്യാ​ർ​ത്ഥി​യെ​ന്ന​ ​പ​രി​ഗ​ണ​ന​ ​ന​ൽ​ക​ണം.​ ​ജു​ഡി​ഷ്യ​ൽ​ ​ക​സ്റ്റ​ഡി​യി​ൽ​ ​തു​ട​രു​ന്ന​ത് ​ക​രി​യ​ർ​ ​ന​ശി​പ്പി​ക്കു​മെ​ന്നും​ ​പ​റ​ഞ്ഞു.

എ​ന്നാ​ൽ,​ ​ഹ​ർ​ജി​ക്കാ​ര​നെ​തി​രെ​ ​ഷ​ഹ​ന​യു​ടെ​ ​ആ​ത്മ​ഹ​ത്യ​ക്കു​റി​പ്പി​ൽ​ ​പ​രാ​മ​ർ​ശ​ങ്ങ​ളു​ണ്ടെ​ന്ന് ​കോ​ട​തി​ ​വി​ല​യി​രു​ത്തി.​ ​ഷ​ഹ​ന​യു​ടെ​ ​സാ​മ്പ​ത്തി​ക​ ​സ്ഥി​തി​യെ​ക്കു​റി​ച്ച് ​റു​വൈ​സി​ന് ​അ​റി​വു​ണ്ടാ​യി​രു​ന്നു.​ ​ഷ​ഹ​ന​യു​ടെ​ ​വീ​ട്ടി​ൽ​ ​പോ​യി​ ​സാ​മ്പ​ത്തി​ക​ ​കാ​ര്യ​ങ്ങ​ൾ​ ​സം​സാ​രി​ച്ച​തി​ന് ​ദൃ​ക്‌​സാ​ക്ഷി​ക​ളു​ണ്ട്.​ ​ഷ​ഹ​ന​ ​ആ​ത്മ​ഹ​ത്യ​ ​ചെ​യ്ത​ ​ദി​വ​സം​ ​ഹ​ർ​ജി​ക്കാ​ര​നെ​ ​ഫോ​ണി​ൽ​ ​ബ​ന്ധ​പ്പെ​ടാ​ൻ​ ​ശ്ര​മി​ച്ചെ​ങ്കി​ലും​ ​ഒ​ഴി​വാ​ക്കി​യെ​ന്നും​ ​ഷ​ഹ​ന​യെ​ ​ബ്ളോ​ക്ക് ​ചെ​യ്തെ​ന്നും​ ​കോ​ട​തി​ ​ചൂ​ണ്ടി​ക്കാ​ട്ടി.