ഹക്കിം ഷാ, പ്രിയംവദ കൃഷ്ണൻ, പൂർണ്ണിമാ ഇന്ദ്രജിത്ത്, എന്നിവർ കേന്ദ്ര കഥാപാത്രങ്ങളാക്കി ഷാനവാസ് കെ. ബാവാക്കുട്ടി സംവിധാനം ചെയ്യുന്ന ചിത്രത്തിന് 'ഒരു കട്ടിൽ ഒരു മുറി" പേരിട്ടു. ചിത്രത്തിന്റെ ടൈറ്റിൽ മോഷൻ പോസ്റ്റർ പുറത്തിറക്കിയാണ് അണിയറപ്രവർത്തകർ പേര് വെളിപ്പെടുത്തിയത്. ചിത്രത്തിൽ ഷമ്മി തിലകൻ, വിജയ രാഘവൻ, ജാഫർ ഇടുക്കി, രഘുനാഥ് പലേരി, ജനർദ്ദനൻ, ഗണപതി, സ്വതിദാസ് പ്രഭു മനോഹരി ജോയ്, തുഷാര പിള്ള, വിജയകുമാർ പ്രഭാകരൻ, ഹരിശങ്കർ, രാജീവ് വി. തോമസ്, ജിബിൻ ഗോപിനാഥ്, ഉണ്ണിരാജ, ദേവരാജൻ കോഴിക്കോട് എന്നിവരാണ് മറ്റു താരങ്ങൾ. സപ്തത രംഗ് ക്രിയേഷൻസും വിക്രമാദിത്യൻ ഫിലിംസും ചേർന്നാണ് നിർമ്മിക്കുന്നത്. തിരക്കഥ രഘുനാഥ് പലേരി. ഗാന രചന രഘുനാഥ് പലേരി, അൻവർ അലി എന്നിവരാണ്. സംഗീതം അങ്കിത് മേനോൻ വർക്കി. ഛായാഗ്രഹണം എൽദോസ് ജോർജ്, എഡിറ്റിംഗ് മനോജ് സി. എസ്, കലാസംവിധാനം അരുൺ ജോസ്, മേക്കപ്പ് അമൽ കുമാർ, സൌണ്ട് ഡിസൈൻ രംഗനാഥ് രവി, മിക്സിംഗ് വിപിൻ വി. നായർ, പ്രൊഡക്ഷൻ കണ്ട്രോളർ ഏൽദോ സെൽവരാജ്, കോസ്റ്റ്യൂം ഡിസൈൻ നിസ്സാർ റഹ്മത്ത്, സ്റ്റിൽസ് ഷാജി നാഥൻ, സ്റ്റണ്ട് കെവിൻ കുമാർ, പി.ആർ.ഒ വാഴൂർ ജോസ്.