ആലപ്പുഴ: ഓണക്കാലത്തന്നെ പോലെ ക്രിസ്മസിനും പച്ചക്കറി വില കുതിച്ചുയരുന്നത് ജനങ്ങൾക്ക് നൽകുന്നത് അപ്രതീക്ഷിത തിരിച്ചടി. തമിഴ്‌നാട്ടിലുണ്ടായ പ്രളയം കേരളത്തിലെ പച്ചക്കറിവിലയെയും സാരമായി ബാധിച്ചു. കേരളത്തിൽ ഒരാഴ്ചയ്ക്കിടെ പച്ചക്കറി വില വർദ്ധിച്ചത് കിലോഗ്രാമിന് രണ്ട് മുതൽ 100 രൂപ വരെയാണ്. കൂട്ടത്തിൽ മുരിങ്ങയ്ക്കയ്ക്കാണ് വില കൂടുതൽ, കിലോയ്ക്ക് 170 രൂപ. കഴിഞ്ഞയാഴ്ച ഇത് 90 ആയിരുന്നു. കഴിഞ്ഞയാഴ്ച 40 രൂപയായിരുന്ന പച്ചമുളകിന്റെ വില ഇരട്ടിച്ച് 80 രൂപയായി.

ഇഞ്ചിയ്ക്ക് മാത്രമാണ് വില ഇടിഞ്ഞത്. കഴിഞ്ഞമാസം 240 രൂപവരെ വിലയുണ്ടായിരുന്ന ഇഞ്ചി വില 140 ആയി. വയനാട്ടിൽ നിന്ന് ഇഞ്ചിവരവ് കൂടിയതാണ് വില കുറയാൻ കാരണം. ഉത്സവവിവാഹ സീസണിൽ പച്ചക്കറിവരവ് പകുതിയിൽ താഴെയായതോടെയാണ് പല സാധനങ്ങളുടെയും വില ഇരട്ടിയിലധികമായത്.

ആലപ്പുഴയിലെ മാർക്കറ്റുകളിൽ 100 ലോഡിലധികം പച്ചക്കറിയാണ് ദിവസവും എത്തിയിരുന്നത്. ഇന്ന് ഇത് 20 ആയി കുറഞ്ഞു. മൊത്ത വ്യാപാരികൾ കഴിഞ്ഞയാഴ്ച സ്റ്റോക്ക് ചെയ്തിരുന്ന സാധനങ്ങളിൽ മുക്കാൽ ഭാഗവും തീർന്നു.

പച്ചക്കറി വില (പൊതുമാർക്കറ്റ്, ഹോർട്ടികോർപ്പ് എന്ന ക്രമത്തിൽ, ബ്രാക്കറ്റിൽ കഴിഞ്ഞ ആഴ്ചയിലെ വില)

സവാള 35................55 (30..........40)
കിഴങ്ങ് 44................40 (35..........38)
പാവയ്ക്ക 60................74 (50..........48)
പയർ 70...................66 (44..........46)
കാരറ്റ് 48.....................52 (45..........46)
തക്കാളി 55................48 (35..........42)
മുരിങ്ങയ്ക്ക 170............196 (90..........100)
പച്ചമുളക്80................58 (40..........50)
ഇഞ്ചി 140...................120 (200..........160)
മത്തൻ 30...................22 (20..........22)
വെള്ളരി 25.................32 (25..........28)
പടവലം 35...................38 (30..........28)
കത്രിക്ക 40.................46 (30..........36)
ചേന 60......................60 (50..........55)
ബീറ്റ് റൂട്ട് 48................45 (40..........43)
പച്ചക്ക 30....................40 (25..........28)
കൂർക്ക 66...................50 (50..........40)