ആനന്ദ് മഹീന്ദ്രയുടെ ട്വീറ്റുകളും കമന്റുകളുമൊക്കെ സോഷ്യൽ മീഡിയയിൽ വൈറലാകാറുണ്ട്. അത്തരത്തിൽ ഒരു കുട്ടിയുടെ വീഡിയോയ്ക്ക് അദ്ദേഹം നൽകിയിരിക്കുന്ന മറുപടിയാണ് ഇപ്പോൾ സമൂഹമാദ്ധ്യമങ്ങളിൽ വൈറലായിക്കൊണ്ടിരിക്കുന്നത്.

നോയിഡയിൽ നിന്നുള്ള ചിക്കു യാദവ് എന്ന കുട്ടിയാണ് വീഡിയോയിലുള്ളത്. തനിക്ക് 700 രൂപയ്ക്ക് ഥാർ വേണമെന്ന് പറഞ്ഞ് വാശി പിടിക്കുകയാണ് ചിക്കു. ഇതിനെക്കുറിച്ച് കുട്ടിയും പിതാവും സംസാരിക്കുന്നതാണ് ഇരുപത്തിയൊൻപത് സെക്കൻഡ് ദൈർഘ്യമുള്ള വീഡിയോയിലുള്ളത്.

മഹീന്ദ്രയുടെ കാറുകളും ഥാറും എക്സ് യുവി 700 ഉം ഒന്നാണെന്നും ഇവ 700 രൂപയ്ക്ക് വാങ്ങാമെന്നുമായിരുന്നു ബാലന്റെ അവകാശവാദം. സോഷ്യൽ മീഡിയയിൽ വൈറലായതിന് പിന്നാലെ ഒരു സുഹൃത്താണ് ആനന്ദ് മഹീന്ദ്രയ്ക്ക് വീഡിയോ അയച്ചുകൊടുത്തത്.

'എന്റെ സുഹൃത്ത് സൂനിതാരയാണ് ഈ വീഡിയോ എനിക്ക് അയച്ചുതന്നത്. ഞാൻ അവന്റെ (ചിക്കു ദ നോയിഡ കിഡ്) കുറച്ച് ഇൻസ്റ്റ പോസ്റ്റുകൾ കണ്ടു. അവനെ എനിക്ക് ഇഷ്ടമായി. പക്ഷേ ഒരേയൊരു പ്രശ്നമേയുള്ളൂ. 700 രൂപയ്ക്ക് കാർ വിൽക്കാൻ തുടങ്ങിയാൽ ഞങ്ങളുടെ കമ്പനി വൈകാതെ പാപ്പരായി മാറും.'- എന്നാണ് ആനന്ദ് മഹീന്ദ്ര എക്സിൽ കുറിച്ചിരിക്കുന്നത്.

My friend @soonitara sent me this saying “I love Cheeku!” So I watched some of his posts on Insta (@cheekuthenoidakid) and now I love him too. My only problem is that if we validated his claim & sold the Thar for 700 bucks, we’d be bankrupt pretty soon…😀 pic.twitter.com/j49jbP9PW4

— anand mahindra (@anandmahindra) December 24, 2023