മലപ്പുറം: ശബരിമല യാത്രക്കിടെ എട്ടുവയസുകാരിക്ക് നേരെ ലെെംഗികാതിക്രമം. സംഭവത്തിൽ മലപ്പുറം കൊളത്തൂർ സ്വദേശിയായ 60കാരനെ പൊലീസ് അറസ്റ്റ് ചെയ്തു. മലപ്പുറം ചെെൽഡ് ലെെനിൽ ലഭിച്ച പരാതിയിലാണ് നടപടി. കഴിഞ്ഞയാഴ്ചയാണ് സംഭവം നടന്നത്.

പെൺകുട്ടിയും പിതാവും നാട്ടിലുള്ള ഏതാനും ആളുകളും ചേർന്ന് ഒരു വാഹനത്തിലാണ് ശബരിമലയിൽ തീർത്ഥാടനത്തിനായി പോയത്. വഴിയിൽ ഒരു സ്ഥലത്ത് വാഹനം നിർത്തുകയും പിതാവ് പ്രാഥമിക ആവശ്യങ്ങൾക്കായി പുറത്തിറങ്ങുകയും ചെയ്തു.

ഈ സമയത്ത് വാഹനത്തിലുണ്ടായിരുന്ന 60കാരൻ പെൺകുട്ടിയുടെ സ്വകാര്യ ഭാഗങ്ങളിൽ സ്പർശിക്കുകയായിരുന്നു. തുടർന്ന് പെൺകുട്ടി കരയുകയും പിതാവ് തിരികെ എത്തിയപ്പോൾ വിവരം അറിയിക്കുകയും ചെയ്തു. ശബരിമല യാത്ര കഴിഞ്ഞെത്തിയ ഉടനെ പെൺകുട്ടിയുടെ കുടുംബം ചെെൽഡ് ലെെനിൽ പരാതി നൽകുകയായിരുന്നു.