കൊച്ചി: ആഗോള മേഖലയിലെ അനുകൂല ചലനങ്ങളുടെ കരുത്തിൽ ഇന്ത്യൻ ഓഹരി വിപണിയിൽ ചരിത്ര മുന്നേറ്റം തുടരുന്നു. ലോകത്തിലെ പ്രമുഖ നാണയങ്ങൾക്കെതിരെ ഡോളർ ദുർബലമാകുന്നതാണ് ഇന്ത്യ ഉൾപ്പെടെയുള്ള മികച്ച സാദ്ധ്യതയുള്ള സാമ്പത്തിക മേഖലയിലേക്ക് വിദേശ നിക്ഷേപ ഒഴുക്ക് ശക്തമാക്കുന്നത്. ഇതോടെ ബോംബെ ഓഹരി സൂചികയായ സെൻസെക്സ് 372 പോയിന്റ് ഉയർന്ന് 72,410.38ൽ അവസാനിച്ചു. ദേശീയ സൂചികയായ നിഫ്റ്റി 124 പോയിന്റ് നേട്ടവുമായി 21,778.70ൽ വ്യാപാരം പൂർത്തിയാക്കി. തുടർച്ചയായ അഞ്ചാം ദിനമാണ് ഓഹരി സൂചികകൾ പുതിയ ഉയരങ്ങൾ താണ്ടി മുന്നേറുന്നത്.

ലോകത്തിലെ പ്രമുഖ നാണയങ്ങൾക്കെതിരെ ഡോളർ ദുർബലമായതോടെ മികച്ച വരുമാനം നേടുന്ന ഇന്ത്യയിൽ നിക്ഷേപിക്കാൻ വിദേശ ധനസ്ഥാപനങ്ങൾക്ക് ആവേശം ഏറുകയാണ്. ജി.ഡി.പിയിലെ മികച്ച വളർച്ചയും വ്യാപാര. കറന്റ് അക്കൗണ്ട് കമ്മിയിലുണ്ടായ കുറവും ആഗോള തലത്തിൽ പലിശ കുറയാനുള്ള സാദ്ധ്യതയും ഓഹരികൾക്ക് നിക്ഷേപ താത്പര്യം വർദ്ധിപ്പിക്കുന്നു. രാജ്യാന്തര ഫണ്ടുകൾ ചൈനയിലെ ഓഹരികൾ വിറ്റുമാറി ഇന്ത്യയിലേക്ക് പണമൊഴുക്കുകയാണ്. ഇന്നലെ മാത്രം ബോംബെ സ്റ്റോക്ക് എക്സ്ചേഞ്ചിൽ ലിസ്റ്റ് ചെയ്ത കമ്പനികളുടെ വിപണി മൂല്യത്തിൽ 1.7 ലക്ഷം കോടി രൂപയുടെ വർദ്ധനയുണ്ട്.

ക​രു​ത്താ​ർ​ജി​ച്ച് ​രൂപ

കൊ​ച്ചി​:​ ​ഓ​ഹ​രി​ ​വി​പ​ണി​യി​ലേ​ക്കു​ള്ള​ ​വി​ദേ​ശ​ ​നി​ക്ഷേ​പ​ ​ഒ​ഴു​ക്കും​ ​എ​ണ്ണ​ ​വി​ല​യി​ലെ​ ​ഇ​ടി​വും​ ​മൂ​ലം​ ​നി​ക്ഷേ​പ​ക​ർ​ ​വാ​ങ്ങ​ൽ​ ​മോ​ഡി​ലേ​ക്ക് ​നീ​ങ്ങി​യ​തോ​ടെ​ ​അ​മേ​രി​ക്ക​ൻ​ ​ഡോ​ള​റി​നെ​തി​രെ​ ​രൂ​പ​യു​ടെ​ ​മൂ​ല്യം​ 17​ ​പൈ​സ​ ​വ​ർ​ദ്ധി​ച്ച് 83.17​ൽ​ ​അ​വ​സാ​നി​ച്ചു.​ ​ര​ണ്ട് ​വ്യാ​പാ​ര​ ​ദി​ന​ങ്ങ​ളി​ലെ​ ​ന​ഷ്ടം​ ​നി​ക​ത്തി​യാ​ണ് ​രൂ​പ​ ​ശ​ക്ത​മാ​യി​ ​തി​രി​ച്ചു​ക​യ​റി​യ​ത്.​ .​ ​ലോ​ക​ത്തി​ലെ​ ​പ്ര​മു​ഖ​ ​നാ​ണ​യ​ങ്ങ​ൾ​ക്കെ​തി​രെ​ ​ഡോ​ള​ർ​ ​ദു​ർ​ബ​ല​മാ​യ​തും​ ​രൂ​പ​യ്ക്ക് ​ക​രു​ത്താ​യി.​ ​ഇ​ന്ന​ലെ​ ​ഡോ​ള​റി​നെ​തി​രെ​ 83.33​ ​ലാ​ണ് ​രൂ​പ​ ​വ്യാ​പാ​രം​ ​ആ​രം​ഭി​ച്ച​ത്.